Búgingi kúni el aýmaǵyndaǵy dárihanalarda dári-dármek baǵasynyń kúrt ósý derekteri jıi kezdesýde. Osyǵan oraı, "Túrkistan – adaldyq alańy" jobalyq keńsesiniń uıymdastyrýymen oblys ortalyǵyndaǵy birqatar dárihanalarǵa dári-dármek baǵasynyń turaqtylyǵyn qamtamasyz etý maqsatynda monıtorıng jumystary júrgizildi, dep habarlaıdy Egemen.kz.
Quramynda Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń ýákili, aǵa ofıser Aqtóre Talǵatuly , "Túrkistan -adaldyq alańy" jobalyq keńsesiniń menedjerleri, taýarlarmen kórsetiletin qyzmetterdiń sapasy men qaýipsizdigin baqylaý departamentiniń ýákilderi, UEM "Básekelestikti qorǵaý jáne damytý" Túrkistan oblysy boıynsha departamentiniń qyzmetkerleri jáne oblystyq "Atameken" Ulttyq kásipkerler palatasynyń ókilderi bar arnaıy jumysshy top dárihanalardaǵy dári-dármekterdiń baǵasyna zerdeleý jumystaryn júrgizdi. Monıtorıng barysynda dárihanalardyń birinde kassalyq apparattyń bolmaýy jáne dári-dármek baǵasynyń negizsiz kóterilýi syndy birqatar kemshilikter anyqtalyp, atalǵan olqylyqtardy túzetýge qatysty jaýapty mamandarǵa tapsyrma berildi.