Esten tandyrar esirtkiniń ýyty bar ósimdikti ósirgen turǵyn barmaǵyn tistep otyr. Oblystyq polısııa departamenti baspasóz qyzmetiniń aqparatyna súıensek, onyń bul áreketi "Qarasora –2020" jedel profılaktıkalyq is-sharasy kezinde anyqtaldy, dep habarlaıdy Egemen.kz.
"Atyraý qalasynyń mańyndaǵy Hımıkter poselkesiniń turǵyny úıiniń aýlasynda quramynda esirtki zattary bar qarasoranyń 4 túbi tabyldy. Polısııa qyzmetkerleri onyń aýlasynan esirtki shóbin tárkiledi. Qazir atalǵan derekke qatysty QR Qylmystyq Kodeksiniń 300-babynyń 1-bóligimen (quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sotqa deıingi tergep-tekserý júrgizilýde" - dep habarlady departamenttiń baspasóz qyzmeti.
О́ńir polıseıleri atalǵan is-shara bastalǵaly beri QR Qylmystyq Kodeksiniń 297 baby (Esirtki zattaryn satý), 296-babynyń 2 bólimi (Esirtki, psıhotroptyq zattardy sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) jáne 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha 10-nan astam derekti tirkedi. Qazir tergeý amaldary júrgizilip jatyr.