О́ńirde elimizde jarııalanǵan eki aptalyq karantınge baılanysty shekteý sharalary jalǵasýda, - dep jazady Egemen.kz
Onlaın baspasóz jıynynda oblystyń bas sanıtarlyq dárigeri Batyrbek Álıevtiń málimdeýinshe, karantındik sharalardyń saqtalýyna monıtorıng toptar baqylaý júrgizedi.
Mysaly, oblys ortalyǵynda qurylǵan 7 top ókilderi eń aldymen erejelerdi jıi buzatyn tamaqtaný, saýda oryndary sııaqty nysandardy aralaýda.
Sondaı-aq, óndiristik oryndar da baqylaýǵa alynǵan. Qoǵamdyq kólikterde adam sany 50 paıyzdan aspaýy, betperdeler taǵylǵany qadaǵalanýda.
Al, qoǵamdyq kólikter ádettegideı kóshe baǵyttarynda júrýde. Eger de qoǵamdyq kólikte karantın erejeleri buzylǵany anyqtalsa, tasymaldaýshy jaýapqa tartylady. Hattama toltyrylady.
Buǵan deıin oblystyń Bas sanıtar dárigeriniń talaptaryn oryndamaǵan kásipkerler 4 mıllıon teńgege jýyq aıyppul tóleýge mindetteldi.
Sonymen birge, óńirimizde toı, úılený toılaryna, otbasylyq sharalarǵa tyıym salyndy. Balalar, tárbıeshiler arasynda ınfeksııa taralmaýy úshin balabaqshalardaǵy kezekshi toptarǵa da barý toqtatyldy.
"Ári kópshilik úılerinde jasaıtyndyqtan bundaı sharalardyń ótip jatqany týraly belgi túsken kezde ǵana teksere alamyz. Alaıda, týǵan kún nemese ózge de otbasylyq sharalar jasyryn ótken bolyp, sol jınalǵandar ortasynda aýrýdy tasymaldaýshy júrip, keıin indetke shaldyǵý júrgeni anyqtalsa, sol sharany uıymdastyrýshylar jaýapqa tartylady", dedi Batyrbek Álıev.
Pavlodar oblysy