Reseı Federasııasynyń Qostanaı oblysymen shektesip jatqan Magnıtogorsk qalasynyń turǵyndary arasynda «Qazaq» («Kazahskoe») syrasy aıryqsha ótimdi bolyp tur. Ony qatty jaqsy kóretin bolǵandyqtan, jaqynda osynda turatyn úsh jigit ózderiniń bostandyqtaryna qater tóndire otyryp, bir dúkennen atalmysh syranyń bir jáshigin urlap ketken. Bul týraly «Ekspress-K» gazeti jazdy.
Urlyq tapa tal túste bolǵan. Aıtylǵan úsh jigit «Ostrovok Kaazahstana» júıesine qarasty dúkenderdiń birinen bir jáshik syrany urlap áketken. Olardy saýda sórelerindegi tek osy syra ǵana qyzyqtyrǵan. Basqa eshteńege tımegen.
Shynynda da metallýrgııanyń ortalyǵy atanǵan aıtýly qalada kóbigi burqyraǵan ashqyltym ishimdiktiń «Kazahskoe» dep atalatyn osy sortyna qumarlar kóp kórinedi.
Urylar magazınniń ishine kirgennen keıin kóp uzamaı jańaǵy bir jáshik syrany ala qashqan. Satýshylar ustaı almaı qalǵan. Sosyn polısııaǵa qońyraý shalǵan. Al tártip saqshylary sýrettelgen keskinderine qarap, olardy qaıdan tabýǵa bolatynyn tez paıymdaǵan. Sóıtip, bir úıdiń aýlasyna kelse, úsh noıan «eńbekpen kelgen» syralaryn elige iship otyr eken.
Qaırat Qojanazar.
Kollaj «Ekspress-K» gazetinen alyndy.