Kásipqoı tennıs assosıasııasy (ATP) koronavırýsqa baılanysty sporttyq jarystar ýaqytsha toqtatylǵan soń jyl aıaǵyna deıin sportshylardyń reıtıngi saqtalatynyn málimdedi.
Sportshylardyń reıtıngi naýryzdyń ortasynan bastap sporttyq jarystarmen birge ýaqytsha toqtatylǵan-dy. Jýyrda ATR basshylyǵy tennısshilerdiń reıtıngi 2020 jyldyń sońyna deıin saqtalatynyn aıtty. Dese de sportshylar bıylǵy kúntizbede saqtalǵan týrnırlerde byltyrǵy jylǵa qaraǵanda jaqsy óner kórsetse, qajetti upaıyn jınaı alady. Biraq upaıy 2021 jyly reıtıng erejeleri burynǵy qalpyna kelgende ǵana qosylady.
ATR pikirinshe, jańa reıtıng júıesi densaýlyq jaǵdaıyna nemese qaýipsizdik maqsatynda 2020 jylǵy týrnırlerge qatysýdan bas tartqan barlyq tennısshilerge qatysty ádil ári qolaıly sheshim bolmaq. Qajet bolǵan jaǵdaıda bul júıe ári qaraı kúntizbedegi ózgeristerge saı beıimdelýi múmkin.