Mánerlep syrǵanaýdan 2020-2021 jylǵy maýsymǵa arnalǵan jarystar kúntizbesi jarııalandy. Jańartylǵan kestege shaǵyn jarystar men álem chempıonaty da engen, dep habarlady UOK baspasóz qyzmeti.
Jarys kestesi boıynsha, mánerlep syrǵanaýdan «Denıs Tenniń memorıaly» atty halyqaralyq doda 29 qazan men 1 qarasha aralyǵynda Almatyda uıymdastyrylady. Al álem birinshiligi 22-28 naýryzda Shvesııanyń Stokgolm qalasynda ótedi. Bıylǵy birinshilik pandemııaǵa baılanysty ótkizilmegen edi. Aıta keterligi, jarystar kestesi koronavırýs pandemııasyna baılanysty ózgerýi múmkin.