Bakýde Demokratııalyq kúshter ulttyq keńesinen prezıdenttik saılaýǵa túsken Djamıl Gasanlynyń jaqtastary 12 qazan kúni sanksııalanǵan jıyn ótkizdi. Bul týraly «Novostı-Azerbaıdjan» habarlady.
Prezıdenttikke burynǵy úmitkerdiń jaqtastary jıyndy senbi kúni saǵat 16:00-de bastady. Ol Iаsamal sport-saýyqtyrý kesheninde (burynǵy «Mehsýl» stadıony) ótti.
Jıynǵa Ulttyq keńesten Djamıl Gasanly, «Mýsavat» partııasynyń bashkany Isa Gambar jáne Ázerbaıjan halyq maıdany partııasynyń tóraǵasy Álı Kerımlı keldi. Olar osynda sóılegen sózinde úkimettiń otstavkaǵa ketýin talap etti. Oppozısııa óziniń kúresin toqtatpaıdy. «14 qazanda-aq Ulttyq kenes mıssııasy Brıýssel men Strasbýrgke attanady, sosyn AQSh-qa jol tartyp, Eýroodaq, Eýropa Keńesi ókilderimen jáne AQSh ákimshiligimen kezdesedi», - dedi Gasanly.
Isa Gambar saılaýdyń demokratııalyq jolmen ótpegenin aıtty. Halyqaralyq baqylaýshylar kóptegen tártip buzýshylyq pen kózboıaýshylyqtardy kózderimen kórgen. «EL» qozǵalysynyń lıderi Eldar Namazov búgingi mıtınginiń ózi jeńis ekenin atap ótti.
«Bizdiń talabymyz - 9 qazanda ótken saılaýdyń qorytyndysyn joqqa shyǵaryp, jańa prezıdenttik saılaý ótkizýge qol jetkizý», - dedi Gasanly minval.az portalyna bergen suhbatynda.
Sáken Maılybaı.