«QazMunaıGaz» UK» AQ basqarmasynyń tóraǵasy Saýat Myńbaev Qazaqstan Prezıdenti Nursultan Nazarbaevqa ulttyq kompanııanyń 2016 jylǵy 9 aıdaǵy jumysynyń qorytyndylary men taıaý keleshekke arnalǵan josparlary týraly baıandady, dep habarlaıdy akorda.kz.
Kezdesýde kompanııanyń óndiristik-qarjylyq jáne áleýmettik saladaǵy qyzmetine, sondaı-aq, jańa jobalardy iske asyrýyna qatysty máseleler qarastyryldy.
Budan bólek, Memleket basshysyna munaı-gaz óńdeý ónerkásibindegi iri jobalardyń iske asyrylý barysy, sonyń ishinde Teńiz ken ornynyń óndiristik qýattylyǵyn arttyrý, Qashaǵandaǵy alǵashqy kezeńdegi jumystar, Qarashyǵanaq ken ornyn damytýdyń perspektıvalary jóninde habarlandy.
«QazMunaıGaz» AQ basshysy munaı baǵasynyń tómendegenine qaramastan, kompanııa óndirgen jáne óńdegen munaı kóleminiń arta túskenin aıtty.
Nursultan Nazarbaev kezdesý qorytyndysy boıynsha birqatar naqty tapsyrma berdi.