Reseıdiń kóptegen buqaralyq aqparat quraldary Máskeýde Mıhaıl Gorbachevtiń qaıtys bolǵanyn jetkizdi. Ol basyna kespeltekpen qatty urǵannan baqılyqqa attanyp ketipti. Bul týraly «Aktobe-taıms» gazeti jazdy.
Alaıda, biz «janazasyn shyǵaryp otyrǵan» Mıhaıl Gorbachev kezinde Keńes Odaǵyn Bas hatshy retinde de, Odaqtyń birinshi jáne sońǵy prezıdenti retinde de basqarǵan tulǵa emes. Bizdiń aqparymyzǵa ilingen Gorbachevtiń ólimi 1 qazan kúni Qyzyl Kremldi qaladaǵy páterlerdiń birinde oryn alǵan. Osynda «bir kese shaı ishýge» kirgen qonaq pen úı ıesi onyń sońyn «júz gramdatyp» jiberedi. Sońynan ekeýi de úıdiń aýlasyna shyǵady. Sol jerde, tańǵy saǵat 3-tiń kezinde eki kánigi bótelkeles dos tóbelesip qalady. Osy arpalysta úıdiń ıesi meımanynyń basyna kespeltekpen bir qoıady.
Osy soqqydan ońalmaǵan beıshara úıine súıretilip jetedi de, ózinen 7 jas úlken, sal bolyp jatqan 65-tegi aǵasyna jedel járdem shaqyrtady. Biraq dárigerler kelem degenshe, 58 jastaǵy Mıhaıl Gorbachev jónep ketedi.
Qazir osy ólimge kúdikti ustalyp, tergeý aldynda jaýap berip jatyr. Oǵan 10 jyl túrmede otyrý jazasy kesilýi múmkin.
Murat Aıtqoja.