Mamandardyń aıtýynsha, koronavırýstyń aldyn alýǵa araq arasha túse almaıdy. Ashy sý kerisinshe aǵzany ýlap, ımmýnıtetti álsiretip, dertti emdeýge kedergi keltiredi. Spırt býyn jutý da ókpege túsken vırýsty óltirýge kómektespeıdi, deıdi dárigerler. Dúnıejúzilik densaýlyq saqtaý uıymynyń mamandary da áleýmettik jelilerde jıi taraıtyn bul aqparattyń jalǵan ekenin aıtyp, oǵan senbeýge shaqyrady, - dep habarlaıdy Egemen.kz Qazaqstan ulttyq arnasyna silteme jasap.
"Alkogoldi dezınfeksııa retinde qoldanýǵa bolady deý - qate kózqaras. Syrtqy jabdyqtardy syrtqy zattardy quramynda spırttyq suıyqtyqtarmen óńdeý bólek dúnıe, al ishken kezde ýlaný qaýpi óte joǵary bolady", - deıdi mamandar.
Sondaı-aq, drigerlerdiń aıtýynsha vırýstyń ózi organızmdi ıntoksıkasııaǵa ákeledi. Al alkogoldi ishke qabyldaǵanda ol da organızmdi ıntoksıkasııaǵa ákelip, ekeýi qatar álsizdikke ushyratady. Árıne, odan adamnyń ımmýnıteti tómendeıdi. Mamandar kóbinese alkogol ishetinder temeki shegýge de áýes bolady. Bul odan da jaǵdaıdy údete túsetinin aıtyp, dabyl qaǵyp otyr.