Jedel járdem stansııasynyń koronavırýs ınfeksııasymen kúres brıgadasynyń feldsheri 10 shildede eki jaqty pnevmonııadan kóz jumdy. Bul týraly oblystyq densaýlyq saqtaý basqarmasynyń basshysy Nurlybek Qabdyqaparov málim etti, dep habarlaıdy Egemen.kz.
- О́ńirde qaýipti indetten medısına qyzmetkeriniń qaıtys bolǵan jaǵdaıy tirkeldi. Qaıtys bolǵan 48 jastaǵy feldsher koronavırýspen kúres brıgadasynda jumys istegen. Oryn alǵan oqıǵa barlyǵymyzǵa aýyr tıdi. Ásirese, medısına qyzmetkerleri úshin. Osy oraıda qansha qıyn bolsa da jumysyn adal atqaryp júrgen medısına qyzmetkerlerine basymdy ıemin. Densaýlyq saqtaý basqarmasynyń basshysy retinde olarǵa alǵysymdy bildiremin, - dedi Nurlybek Qabdyqaparov.