Pandemııa men pnevmonııa qos ókpeden qysyp, tynysty taryltyp turǵanda dári-dármektiń qajettigi aýadaı seziledi. Sol sebepten, 12 shildede Almatydan Atyraýǵa taǵy da 470 túrli dári-dármek toptamasy ákelindi, - dep habarlaıdy Egemen.kz.
"Medısınalyq preparattardyń 470 túri Almatydan ákelindi. Erteńnen bastap Atyraý qalasyndaǵy dárihanalarǵa taratylady. Al, aýdandarǵa sársenbi men juma aralyǵynda jetkiziledi. Aldaǵy jumada Almatydan taǵy da dári-dármek keledi. Onda koronavırýstan emdeýge arnalǵan medısınalyq preparattar bolady", -deıdi farmasevtıkalyq kompanııanyń dırektory Svetlana Lıpatova.