Búginde Jambyl óńirinde dári-dármek jetispeýshiligi máselesi týyndap otyr. Naýqastarǵa qajetti dárilerdiń tapshylyǵyna oraı, Jambyl oblysynyń ákimi Berdibek Saparbaev san ret jıyn da ótkizgen bolatyn. Bul oraıda, Taraz qalasynda arnaıy mobıldik top qurylyp, onyń músheleri men qala ákimi Aıtqazy Qarabalaev qalada tirkelgen 68 dárihanany aralady. Atalǵan nysandarǵa túsindirý jumystaryn júrgizip, baǵany baqylaý, baǵany negizsiz kótermeý máselesi jaıyn da eskertti.
Taraz qalasynda dári tapshylyǵyn boldyrmaý maqsatynda berilgen tapsyrmaǵa oraı, qala ákiminiń orynbasary Almas Sadýbaev jáne prokýratýranyń, sybaılas jemqorlyqqa qarsy is-qımyl agenttigi departamentiniń, polısııa, sanepıdqadaǵalaý qyzmetkerleriniń ókilderinen quralǵan jumysshy top qaladaǵy dárihanalardy aralap, zerdeleý jumystaryn júrgizdi. Dárihanalarda búgingi tańda turǵyndarǵa asa qajetti vırýsqa qarsy tapshy dári-dármekterdiń baǵasyn kótermeý, tapshylyqty qoldan jasap, jasyrmaý týraly túsindirý jumystary júrgizildi. Búgingi tańda qala dárihanalarynda antıbıotıkalyq, júrek-qan tamyrlaryn shıratatyn sefım, sefamed, sýmamed, azıtromısın, azıtro, aspırın kardıo, ardıomagnıl jáne trombolol sııaqty dári-dármekterdiń jetispeýshiligi baıqalady. Dárilerdiń baǵasyn negizsiz kótergen dárihanalarǵa ákimshilik sharalar qoldanylatyn bolady. Qazirgi tańda Taraz qalasynda baǵany negizsiz kótergen 10 dárihana anyqtalyp, olarǵa quqyq qorǵaý organdary mamandarymen hattama toltyrylǵan.
Jambyl oblysy