Pavlodar oblysyndaǵy ata-analar balalarǵa arnalǵan jańa vaksınadan bas tartýda. Esterińizge sala ketsek, ótken aptada Ekibastuz qalasynda 12 jastaǵy qos jetkinshek jatyr moıyny obyryna qarsy egilip, keıin 3 kúndeı esten tanyp, jatyp qalǵan bolatyn. Bul týraly «KTK» telearnasy habarlady.
Bul jaǵdaıǵa baılanysty dárigerler jas aǵza dárini aýyr qabyldady degen túsinikteme berip, ekpeniń esh zııany joq ekenin aıtqan-dy. Degenmen, naqty sebepter anyqtalmaıynsha, obyrǵa qarsy ekpe jumystary elimiz boıynsha ýaqytsha toqtatylyp otyr.Shyndyǵynda, jatyr moıyny obyrynyń aldyn almaq bolǵan dárigerlerdiń alǵashqy áreketinen keıin-aq jurttyń júregi shaılyǵyp qalǵan. Qazir budan sekem alǵan ata-analar endi ekpeden úzildi-kesildi bas tartýda.
«Eshqandaı qulaqtandyrý júrgizilgen joq. Tek, ekpe jasalýy tıis degendi estidik. Al onyń jaı-japsary, kimge, ne úshin egiletini jáne áseri týraly aıtylǵan joq»,-deıdi Pavlodar qalasynyń turǵyny Irına Dıdeshına.
Qymbat preparat tegin taratylýda. Qazirdiń ózinde Pavlodar óńirinde adam papıllomasy vırýsyna qarsy ekpeniń úshten biri qoldanylyp úlgeripti. Áıtse de, bul usynystan bas tartqandardyń qarasy qalyń. Olarǵa eshqandaı májbúrli ekpe jasalmaıdy dep otyr mamandar. Al kelisimin bergenderge ekpe jumystary aldaǵy ýaqytta qaıta jalǵaspaqshy. Alaıda,bastamany qoldamaıtyndardyń kóptiginen, vaksınasııalaýdyń qansha ýaqytqa sozylatyny ázirge belgisiz.
Mamandardyń aıtýynsha, Pavlodar óńiri qazir onkologııalyq aýrýlar boıynsha kósh bastap tur. Mundaǵy jatyr moıyny obyryna shaldyqqandardyń qatary azaıýdyń ornyna, kún ótken saıyn kóbeıip barady. Sondyqtan osy joly qaýipti aýrýdyń aldyn alý maqsatynda 4 myńnan astam jetkinshekti vaksınasııalaý josparlanǵan eken.
Baqytbek Keneshuly.