Búgin elimizde "Jalpyulttyq aza tutý kúnine" baılanysty Ázerbaıjannyń Qazaqstandaǵy elshiligi qaza tapqan otbasylarǵa kóńil aıtyp, em qabyldap jatqandarǵa tezirek aıyǵyp ketýin tiledi. Bul týraly elshilik óziniń Facebook paraqshasynda habarlaıdy, dep jazady Egemen.kz
"Qazaqstan Respýblıkasynda 13 shilde − "Jalpyulttyq aza tutý kúni" bolyp jarııalanýyna baılanysty Ázerbaıjan Respýblıkasynyń Qazaqstandaǵy elshiligi baýyrlas Qazaqstan halqynyń qaıǵysyna ortaqtasyp, kóńil aıtady. Osyndaı qıyn sátte baýyrlas Qazaqstan halqyna qoldaý bildirý maqsatynda elshilik ulttyq týdy tómen túsirgenin málimdeıdi", delingen elshiliktiń habarlamasynda.