Ortalyq kommýnıkasııalar qyzmetinde ótken baspasóz máslıhatynda joǵary sanatty pýlmonolog, medısına ǵylymdarynyń doktory Natalıa Latypova pnevmonııany anyqtaý joldaryn aıtty.
«Pnevmonııa belgileri birden paıda bolmaıdy. Respıratorlyq túri kem degende 5-7 kúnnen keıin paıda bolady. Qarapaıym jótel, demikpe, tynys alýdyń tarylýy, ózińdi jaısyz seziný jáne keýde tusynyń aýyrýy pnevmonııanyń belgisi bolýy múmkin. Tynys alý joldarynyń zaqymdanýy osy belgilerdiń birtindep órshýinen bastalady», deıdi Natalıa Latypova.
Onyń aıtýynsha, osy belgilerdiń paıda bolýy ókpeniń qanshalyqty zaqymdanǵanyna baılanysty. Bul órshimese, dene qyzýynyń kóterilýi saqtalmasa, belgiler 7 kúnnen artyq bolmasa, ýaıymdaýdyń qajeti joq. Iаǵnı antıbıotık qabyldaýdyń nemese kompıýterlik tomografııa jasaýdyń qajeti joq. Eger bul belgiler ýaqyt ótken saıyn kúsheıe bastasa, dene qyzýy túspeı qoısa, ókpeni qaratý kerek jáne emdeý ádisin ózgertý kerek.
Sonymen qatar dáriger sıntetıkalyq maska taǵý pnevmonııany órshitedi degen pikirge qatysty oıyn bildirdi.
«Árıne maskanyń jaramdylyq merzimi bolady jáne bakterııalar matanyń ózinde jınalyp qalýy múmkin bolǵandyqtan ony aýystyryp otyrý usynylady. Ár maskany eki saǵattan bir táýlikke deıin taǵýǵa bolady. Ol maskanyń qandaı materıaldan jasalǵanyna baılanysty. Biraq maska pnevmonııany órshitip jiberýi múmkin dep aıtý qıyn, tipti múmkin emes dep oılaımyn», deıdi pýlmonolog.
Jıyn barysynda Natalıa Latypova pnevmonııa kezinde massajdyń kómegi bar-joǵyn aıtty.
«О́kpege suıyq jınalyp qalady» degen sóz koronavırýs ınfeksııasyna qatysty aıtyla qoımaıdy. Aýrý barysynda qurǵaq jótel bolady. Osy jerde ókpe súzgisi bolady. Bul jerdiń mehanızmi basqashalaý. «Ishpen jatý kerek» degen keńes ne sebepti kóp aıtylady? О́kpe jasýshasy ekskýrsııa jasaýy úshin adamnyń arqa tusy ashyq bolýy kerek. Ishpen jatqan kezde ǵana artqy tusy ashyq bolady. Eger aýrýdyń respıratorlyq belgileri bolsa jáne koronavırýs ınfeksııasy sizde bar ekeni dáleldengen bolsa, kúnine birneshe ret etbetinnen jatýdy usynamyz. Pnevmonııanyń aýyr túrimen aýyratyndar kúnine 12-16 saǵat boıy ishpen jatýy kerek. Bul qan aınalymdy jaqsartatyn tetikti jaqsy jumys istetedi. Al massaj jasatýdy usyný qıyn. Pnevmonııa kezinde massaj qanshalyqty jaqsy áser etetini belgisiz», dedi dáriger.