Búgin Elordada aýqymdy dezınfeksııa júrgiziledi, dep habarlaıdy Egemen.kz
15 shilde kúni Nur-Sultanda halyq kóp jınalatyn oryndarda (saıabaq, skver, gúlzar, jaǵalaý jáne t.b.) aýqymdy dezınfeksııa júrgiziledi. Dezınfeksııa tańǵy saǵat 6-7-de bastalady. О́ńdeý kezinde qala turǵyndary adamdar kóp jınalatyn oryndarǵa barmaǵany jón.
Qalany óńdeýge kommýnaldyq sala qyzmetterimen birge TJD men mamandandyrylǵan kompanııa qyzmetkerleri qatysady. Dezınfeksııa jumystary jaıaý jáne arnaıy mashınalardyń kómegimen júrgiziledi. Qalalyq sanıtarlyq dárigerdiń qaýlysyna sáıkes, SOO, bazarlar, TD jáne basqa da kópshilik jınalatyn oryndar basshylary jumys oryndarynda dezınfeksııa júrgizýi tıis.
Qalada barlyǵy 20 mıllıon sharshy metrden astam aýmaqta dezınfeksııa jasaldy. Dezınfeksııalaý turaqty túrde júrgiziledi. 5 shildeden 2 tamyzǵa deıin elimizde shekteý sharalary engizildi. Qala turǵyndary sanıtarııa normalaryn qatań saqtap, maska taǵyp, antıseptık qoldanyp, áleýmettik qashyqtyq saqtaýy kerek.