D.Babataıuly kóshesi jartylaı, al R.Dúısenbaev kóshesi tolyǵymen 18 shildege deıin jabylady. Kólik júrgizýshileri keptelis týdyrmaý úshin marshrýtyn aldyn ala josparlaýy kerek. Bul týraly elorda ákimdiginiń resmı saıty habarlaıdy, dep jazady Egemen.kz
Kóshe-jol jelisin ortasha jóndeý aıasynda D.Babataıuly kóshesinde Almalyq kóshesinen Tilendıev kóshesine deıingi ýchaskede qurylys jumystary josparlanǵan, dep habarlady qalalyq kólik jáne jol-kólik ınfraqurylymyn damytý basqarmasy.
Osyǵan baılanysty 15-25 shilde aralyǵynda kólik qozǵalysyn ishinara toqtatý josparlanǵan. Sonymen qatar 15-18 shilde aralyǵynda R.Dúısenbaev kóshesi boıynsha Aspara kóshesinen Gersen kóshesine deıingi ýchaskede kólik qozǵalysyn tolyq toqtatý josparlanǵan.
"Elorda turǵyndary men qonaqtary qala joldarynda keptelis týdyrmaý úshin marshrýtyn aldyn-ala josparlaýy kerek. Qolaısyzdyqtar úshin keshirim ótinemiz jáne jóndeý jumystaryna túsinistikpen qaraýdy suraımyz", delingen habarlamada.