Elimizdegi karantın rejıminiń qatańdaýyna baılanysty oblys ortalyǵyn zalalsyzdandyrý jumystary úzdiksiz jalǵasýda.
Belgilengen arnaıy kestege sáıkes "Ońtústik" óńirlik qolbasshylyǵyna qarasty áskerıler men "Qyzylorda tazalyǵy" mekemesi mamandary kúndelikti dezınfeksııalaý jumystaryn jasaýda.
Búgin zalalsyzdandyrý jumystary qalanyń shet aımaqtaryndaǵy Gagarın jáne Tıtov qystaqtarynda júrgizildi. Kópqabatty úılerdiń aýlalary, kire beristeri, balalar oıyn alańdary, dúkender men saýda oryndary, aıaldamalar men qoqys jáshikteri, halyq kóp shoǵyrlanatyn jerler jáne Sáýlet móltek aýdanyna qarasty kósheler dezınfeksııalandy.
Karantın rejımi engizilgennen bastap búginge deıin qaladaǵy adam kóp shoǵyrlanatyn oryndar men turǵyn úılerdiń aýmaqtaryna birneshe márte dezınfeksııalaý jumystary júrgizilip, 6,5 mln sharshymetrge jýyq aımaq zalalsyzdandyryldy. Bul jumystarǵa barlyǵy 81 adam, 8 tehnıka jumyldyrylǵan.