Túrkistan qalasynan 20 shaqyrym qashyqtyqta qurylysy júrip jatqan halyqaralyq áýejaıda termınal qabyrǵalaryn qalaý jumystary - 60% aıaqtalyp, ishki-syrtqy qabaty shynymen qaptalýda.
Sondaı-aq, ushý-qoný jolaǵy, rýldeý joly men perronnyń negizi - 100 %, ushý-qoný jolaǵyn asfaltteý - 50%, jolaýshylar termınalynyń metall qurylymdaryn montajdaý tolyq aıaqtalǵan.
Memlekettik-jekeshelik áriptestik mehanızmi aıasynda "Turkistan International Airport" JShS-i tarapynan qolǵa alynǵan alyp qurylys alańynda 341 maman men 106 arnaıy tehnıka jumys isteýde. Qurylysta óndiristik jumys kestesi saqtalýda. Sonymen qatar qajetti materıaldar jetkilikti. Áýejaıdy 2020 jyldyń sońyna aıaqtap, qoldanysqa engizý josparlanǵan. Túrkistan oblysynyń ákimi О́mirzaq Shókeev nysan basyndaǵy qurylys jumystarymen tanysyp, áýejaı qurylysyn sapaly ári óz ýaqytynda aıaqtaýdy tapsyrdy.