Halyqaralyq Olımpıada komıteti (HOK) ózbekstandyq erkin kúres sheberi Artýr Taımazovtan dopıng erejesin buzǵany úshin 2012 jylǵy London Olımpıadasyndaǵy altyn medalin keri qaıtaryp, basqa sportshyǵa berýge sheshim shyǵardy.
40 jastaǵy Taımazov kezinde óz dáýiriniń kúres sportynyń shoq-juldyzdarynyń biri boldy. Áıgili balýan 2000-2012 jyldar aralyǵynda О́zbekstan quramasynyń namysyn qorǵady. Osy ýaqyt ishinde ol tórt Olımpııa oıyndarynda baq synap, sonyń úsheýinde tuǵyrdyń eń bıik satysynan kórindi. Tek 20 jasynda qatysqan Sıdneı Olımpıadasynda ǵana fınalda ese jiberip, kúmis medaldy qanaǵat tutqan.
120 kıloda baq synaǵan Taımazov London Olımpıadasynyń chempıony atanǵan edi. Alaıda jarys kezinde alynǵan dopıng synamasy qaıta tekserýden ótken soń sportshynyń tyıym salynǵan preparatty qoldanǵany belgili boldy.
Aıta keteıik, Artýr Taımazov osymen ekinshi Olımpıada altynynan aıyrylyp otyr. 2017 jyly Taımazovtyń 2008 jyly Beıjiń Olımpıadasyndaǵy dopıng synamasy da oń nátıje kórsetip, Olımpıada chempıony degen ataǵynan aıyrylǵan bolatyn. Endi onyń enshisinde Olımpıadanyń bir altyn, bir kúmis júldesi bar.