Almaty qalasynda Indýstrııa jáne jańa tehnologııalar mınıstrligi, «Atameken» Ulttyq kásipkerler palatasy, «Samuryq-Qazyna» ulttyq ál-aýqat qory, «Báıterek» UBH jáne isker top ókilderiniń qatysýymen el Indýstrııalyq-ınnovasııalyq damýynyń ekinshi kezeńin qamtıtyn tujyrymdamany daıarlaý boıynsha jumys shtabynyń otyrysy bolyp ótti.
Almaty qalasynda Indýstrııa jáne jańa tehnologııalar mınıstrligi, «Atameken» Ulttyq kásipkerler palatasy, «Samuryq-Qazyna» ulttyq ál-aýqat qory, «Báıterek» UBH jáne isker top ókilderiniń qatysýymen el Indýstrııalyq-ınnovasııalyq damýynyń ekinshi kezeńin qamtıtyn tujyrymdamany daıarlaý boıynsha jumys shtabynyń otyrysy bolyp ótti.
Indýstrııa mınıstrligi óńirlerdegi eń iri ındýstrııalyq jobalardyń ýaqytynda iske qosylýy men sapaly júrgizilýine baqylaý jasap otyrǵany belgili. Osyǵan oraı Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevtiń basshylyǵymen jumys toptary elimizdiń barlyq aımaqtarynda bolyp, qazirgi tańda jumys istep turǵan kásiporyndardyń jaı-kúıimen tanysyp, Indýstrııalandyrý kartasyna engizilgen jańa jobalardyń qurylysyn tekserýde.
Almatyda ótken alqaly jıyn barysynda Vıse-premer Áset Isekeshev ındýstrııalyq-ınnovasııalyq damý baǵdarlamasyna qatysýshylarǵa jańa kezeńniń mańyzdylyǵy men erekshe toqtala ketetin tustaryna kóńil aýdarta otyryp, ındýstrııalandyrýdyń ekinshi kezeńiniń tujyrymdamasyn ázirleý kezinde bıznes qaýymdastyqtardyń usynystaryn eskerý qajet ekenin uǵyndyrdy. Sondaı-aq, atalmysh mańyzdy qujattyń qatysýshy barlyq múddeli taraptardyń pikirlerin eskere otyryp daıarlanýy kerektigine basa nazar aýdardy.
Alqaly jıynda Vıse-premer «Indýstrııalandyrýdyń birinshi bes jyldyǵynyń atqarylý barysy jáne ekinshi besjyldyq maqsattary» degen taqyrypta sóz sóılep, odan ári mamandandyrylǵan toptyń teń tóraǵasy A.Idrısov «2015-2019 jyldarǵa baǵyttalǵan Indýstrııalandyrýdyń jańa tujyrymdamasy týraly», «Báıterek» ulttyq basqarý holdıngi Basqarma tóraǵasynyń orynbasary A.Aldambergen «Qazaqstan Indýstrııalandyrý baǵdarlamasy modelin damytý jobasynyń júzege asyrylýy týraly» eseptik baıandama jasady.
Eske sala ketsek, 2020 jylǵa deıingi Indýstrııalyq-ınnovasııalyq baǵdarlamanyń ekinshi besjyldyǵynyń tujyrymdamasy Memleket basshysy Nursultan Nazarbaevtyń tapsyrmasy boıynsha ázirlene bastaǵany belgili. Bul maqsatta Premer-Mınıstrdiń tóraǵalyǵymen Basqarýshy komıtet, jumys shtaby jáne salalar men klasterler úshin, óndiristik kúshterdi ornalastyrý jáne óńirlik damytý sharasy úshin, qarjy júıesin damytý jáne ındýstrııalandyrý baǵdarlamasynyń ekinshi besjyldyǵyn qarjylandyrý úlgisin ázirleý úshin, ónerkásiptik saıasattyń quraldaryn jáne iske asyrý tetikterin ázirleý úshin jaýapty tórt birdeı top qurylyp otyr. Osy atalǵan 4 jumys tobynyń quramyna tıisti memlekettik organdardyń jáne damý ınstıtýttarynyń ókilderi kiredi.
Premer-Mınıstrdiń orynbasary Indýstrııalyq-ınnovasııalyq damýynyń ekinshi kezeńin qamtıtyn tujyrymdamanyń aǵymdaǵy jyldyń sońyna deıin qabyldanyp, aldaǵy 2014 jyldyń mamyr aıynda Indýstrııalandyrýdyń ekinshi bes jyldyǵynyń baǵdarlamasy bekitilýi tıis ekendigin naqtylady.
Áset Isekeshev bastaǵan jumys toby Almaty qalasyndaǵy birqatar jumys istep turǵan óndiris oryndaryna bardy jáne «Alataý» ınnovasııalyq tehnologııa parki arnaıy ekonomıkalyq aımaǵynyń ekinshi kezeńdik qurylysymen tanysty. Dálirek aıtqanda, «El Sı Treıd» JShS-niń (LogyCom) kompıýterlik tehnıkanyń óndirisinde bolyp, jýyrda ǵana kompanııa suıyq krıstaldy monıtorlardy jınaý boıynsha iske qosqan jańa qurastyrý baǵytynyń jumysyn tamashalady. Bul kompanııanyń óndiristik qýattylyǵy jylyna 100 myń monıtor jınaýmen birge, bıylǵy 2013 jyldyń sońyna deıin 5 myńǵa jýyq suıyq krıstaldy monıtor jasaý jáne satý isin josparlap otyr.
Sondaı-aq, Vıse-premer kúrdeli-turmystyq elektrondy tehnıkany óndirýmen jáne satýmen aınalysyp otyrǵan «LG Electronics Almaty Kazakhstan» AQ-tyń basshylyǵymen kezdesti. Qazirgi tańda atalmysh kásiporynda 398 adam jumys isteıdi. Aǵymdaǵy jyldyń birinshi 6 aıynda kompanııa 9,1 mlrd. teńgege ónim shyǵardy. Onyń ishinde 8 098 kir jýǵysh mashına, 9 270 tońazytqysh jáne 120 669 teledıdar qurastyryp, halyqqa usynǵanyn kompanııa mamany alǵa tartty. Taıaýda bul kompanııa «Alataý» ITP AEA aýmaǵynda ekinshi óndiristik alańdy ashýdy kózdep otyr. Áset Isekeshev ITP qurylys alańynda bolyp, onyń aýmaǵyndaǵy birqatar kásiporyndardyń qyzmetimen de etene tanysty. Aıta keterligi, sońǵy úsh jyldyń ishinde AEA qatysýshylardyń sany 100-den 150-ge deıin kóbeıgen.
«Alataý» ITP basshylyǵynyń boljamy boıynsha, AEA ekinshi kezeginiń qurylysymen qatysýshylar sany artady. Qazirgi ýaqytta taǵy da 22 ınvestısııalyq joba qaralýda.
Qanat ESKENDIR,
«Egemen Qazaqstan».
ALMATY.