Májilis depýtattary keshegi bolǵan jalpy otyrysta jańa zań jobalarynan turatyn birqatar máselelerdi qarastyrdy. Otyrysqa palata Tóraǵasynyń orynbasary Sergeı Dıachenko tóraǵalyq etti.
Palatanyń zańnama qorjynyn Májilis qorytyndy ázirleý mezgilin naqtylaýǵa tapsyrǵan jańa qujattar tolyqtyrdy. Sonymen qatar, konstıtýsııalyq tolyqtyrýlar jobasy da jumysqa alyndy.
Májilis depýtattary keshegi bolǵan jalpy otyrysta jańa zań jobalarynan turatyn birqatar máselelerdi qarastyrdy. Otyrysqa palata Tóraǵasynyń orynbasary Sergeı Dıachenko tóraǵalyq etti.
Palatanyń zańnama qorjynyn Májilis qorytyndy ázirleý mezgilin naqtylaýǵa tapsyrǵan jańa qujattar tolyqtyrdy. Sonymen qatar, konstıtýsııalyq tolyqtyrýlar jobasy da jumysqa alyndy.
Budan keıin jalpy otyrystyń kún tártibine sáıkes «2008 jylǵy 12 jeltoqsandaǵy Aıryqsha jaǵdaılarda Biryńǵaı kedendik tarıftiń stavkalarynan erekshelenetin kedendik ákelý bajdarynyń stavkalaryn qoldaný sharttary men tártibi týraly hattamaǵa ózgerister engizý týraly hattamany ratıfıkasııalaý týraly» zań jobasy qaralyp, maquldandy. Oǵan sáıkes Biryńǵaı kedendik tarıftiń stavkalarynan erekshelenetin ımporttyq keden bajdaryn birjaqty tártippen qoldanýdyń neǵurlym uzaq merzimin belgileýge múmkindik berilip otyr.
Zań jobasy boıynsha baıandama jasaǵan Ekonomıka jáne bıýdjettik josparlaý mınıstri Erbolat Dosaevtyń sózine qaraǵanda, eger osyndaı sharalar tarap memleketi ekonomıkasynyń tıisti salasyn damytý úshin qajetti bolyp tabylsa, onda memleketterdiń biri neǵurlym joǵary stavkany qoldana alady.
«Úshinshi elderden dástúrli ımportyna eleýli deńgeıde táýeldi jáne Keden odaǵynda osy nemese uqsas taýarlar óndirisi esebinen qanaǵattandyrýy múmkin emes ishki naryqtaǵy taýarlardyń asa tapshylyǵy jaǵdaıynda taraptardyń biri neǵurlym tómen stavkany qoldanýdy usynýy múmkin», dedi mınıstr óz sózinde. Onyń aıtýynsha, mundaı joǵary nemese tómen stavkalardy qoldaný merzimi 2008 jylǵy hattamaǵa sáıkes 6 aıdan aspaıdy, degenmen, osy ózgeristerdi engizýde ondaı stavkalardyń qoldaný merzimin barynsha uzartýǵa qol jetip otyr.
Sonymen qatar, ózgerister engizý týraly Hattama 2011 jylǵy 18 qarashadaǵy Eýrazııalyq ekonomıkalyq komıssııa týraly sharttyń normalaryn negizgi Hattamadaǵy normalarǵa sáıkes keltirýdi, atap aıtqanda, Keden odaǵy komıssııasyn taratý jáne Eýrazııalyq ekonomıkalyq komıssııasyna ýákilettikti berýdi qarastyrady. Zań jobasyn qabyldaý saýda saıasaty salasyndaǵy, naqtylaı tússek, Keden odaǵynda aıryqsha jaǵdaılarda Biryńǵaı kedendik tarıftiń stavkalarynan erekshelenetin kedendik ákelý bajdarynyń stavkalaryn qoldaný salasyndaǵy máselelerdi zańnamalyq retteýge múmkindik beredi.
Sonymen qatar, Májilistiń jalpy otyrysynda «Qazaqstan Respýblıkasynyń Úkimeti men Tájikstan Respýblıkasy Úkimeti arasyndaǵy óteýsiz áskerı-tehnıkalyq kómek kórsetý týraly kelisimdi ratıfıkasııalaý týraly» zań jobasy maquldandy. Kelisimge 2010 jyldyń 15 sáýirinde Dýshanbe qalasynda qol qoıylǵan. Oǵan sáıkes Qazaqstan Tájikstanǵa patrondar, qol granatalary, qarý maıy sekildi áskerı quraldardy óteýsiz berý boıynsha áskerı-tehnıkalyq kómek kórsetedi. Mundaı áskerı múlikti Qazaqstannan Dýshanbe qalasyna deıin jetkizip berý Qazaqstan Qarýly Kúshteriniń áýe kemesimen qamtamasyz etiledi. Sondaı-aq, kelisimge sáıkes Tájikstan Qazaqstannan alǵan áskerı múlikti nemese ony paıdalaný quqyǵyn úshinshi tarapqa bere almaıdy.
Asqar TURAPBAIULY,
«Egemen Qazaqstan».