Dárigerlerdi qoldaý maqsatynda jasotandyqtar Nur-Sultan jáne Almaty qalalarynda «Densaýlyq paketterin» taratty.
Azyq-túlik, jemis-jıdek pen vıtamınder salynǵan 1500-den astam paket taratyldy. Aksııaǵa belgili qoǵam qaıratkerleri men kásipkerler de atsalysty.
«Jas Otan» JQ Nur-Sultan qalalyq fılıalynyń tóraǵasy Baqdáýlet Jandildaevtyń aıtýynsha, bul aksııa elimizdiń barlyq óńirlerinde jalǵasady.
- Búgin erjúrek dárigerlerge arnap arnaıy aksııa uıymdastyrdyq. Olar barsha adamzatty ábigerge salǵan qaýipti indetpen kúndelikti kúresip keledi. Bul sharany basqa óńirlerde de jalǵastyratyn bolamyz. Indetti birlesip jeńetinimizge senimdimin.
Qazirgi ýaqytta Nur-Sultan qalasynda koronavırýspen kúreske 2,5 myńnan astam, al Almatyda 4 myń medısına qyzmetkeri jumyldyrylǵan.