*Prezıdent poshtasynan
Memleket basshysy Nursultan Nazarbaevtyń atyna Ońtústik Qazaqstan oblysynyń О́zbek drama teatry ujymynan hat keldi, dep habarlady Prezıdenttiń baspasóz qyzmeti.
*Prezıdent poshtasynan
Memleket basshysy Nursultan Nazarbaevtyń atyna Ońtústik Qazaqstan oblysynyń О́zbek drama teatry ujymynan hat keldi, dep habarlady Prezıdenttiń baspasóz qyzmeti.
О́z hatynda ujym músheleri táýelsizdik alǵannan keıin Qazaqstannyń aldynda turǵan negizgi mindetterdiń biri – turaqtylyq pen qarqyndy damýdy qamtamasyz etý tabysty oryndalǵanyn atap ótken.
Avtorlar búginde barsha qazaqstandyqtardyń toptasqanyna jáne qýatty qoǵamdy qalyptastyrýǵa eleýli úlesterin qosyp kele jatqanyna toqtalǵan.
«10 jyl buryn, 22 qazanda, Siz Ońtústik Qazaqstan oblysynyń Saıram aýdanyna arnaıy kelip, oblystyq О́zbek drama teatryn ashtyńyz. Bıyl osy aıtýly datany atap ótpekpiz», – delingen hatta.
Sondaı-aq, teatr ujymy ótken 10 jylda teatr sahnasynda elýden astam qoıylym qoıylyp, oǵan myńdaǵan adam qatysqanyn atap kórsetken. Osy oraıda olardyń arasynda etnosaralyq kelisimniń qazaqstandyq úlgisin nasıhattaýǵa arnalǵan pesalar mańyzdy oryn alady.
Hat sońynda avtorlar Memleket basshysyna elimizde júrgizilip otyrǵan etnosaralyq tatýlyq pen kelisimdi qoldaýǵa baǵyttalǵan saıasat úshin alǵystaryn bildirgen.