Qaýipti indettiń tirkelýinen aldyńǵy orynǵa shyqqan Atyraýǵa jedel járdem berýge reseılikter de bet burdy. Búgin munaıly óńirmen shekaralas ornalasqan Astrahan oblysynan bes dáriger kómekke keldi.
О́ńirlik kommýnıkasııalar qyzmetiniń aqparatyna qaraǵanda, oblys ákimi Mahambet Dosmuhambetov Astrahannan kelgen bes medısına qyzmetkerimen kezdesti.
"Sizderge jáne Astrahan oblysynyń gýbernatory Igor Babýshkınge erekshe alǵysymdy bildirgim keledi. Qazirgi ýaqytta bizdiń dárigerlerimiz aldyńǵy shepte aıanbaı eńbek etýde. Degenmen, birazy qaýipti indetti juqtyrdy, qalǵany indetpen kúresý ústinde. Atqarar jumys kóp. Bizge sizderdiń tájirbıelerińiz, bilimderińiz ben bilikterińiz qajet. Sondyqtan, búginnen bastap kirisetin jumystaryńyzǵa sáttilik tileımin", - dedi Atyraý oblysynyń ákimi Mahambet Dosmuhambetov.
Reseılik dárigerler juqpaly aýrýlarǵa arnalǵan blokta qaýipti indetti juqtyrǵan naýqastardy emdeýge jumylady. Alaıda, oblystyq densaýlyq saqtaý basqarmasy basshylarynyń aıtýynsha, Reseı dárigerleri oblystyq kardıologııalyq ortalyq pen ınfeksııalyq stasıonarda jumys isteıtini kózdelip otyr. Olardyń keıbiri aýdandarǵa jiberilýi múmkin.
"Bizdi óte jyly qabyldaǵandaryńyzǵa raqmet. Tolyqqandy jumys jasaýymyz úshin barlyq jaǵdaı jasalǵan. Endi biz áriptesterimizge koronavırýspen kúreste kómektesý úshin bar kúshimizdi salýǵa tyrysamyz. Qoldan kelgenniń bárin jasaımyz", - dedi astrahandyq dáriger Anna Chepel.