Birqatar tanymal tulǵalardyń Twitter-degi akkaýntaryna hakerler shabýyl jasap, spam aqparat taratqan. Olardyń qatarynda «Tesla» kompanııasynyń basshysy Ilon Mask, mıllıarderler Djef Bezos pen Bıll Geıts bar.
Hakerler olardyń akkaýnttaryn buzǵannan keıin tómendegideı habarlama qaldyrǵan: «Kórsetilgen shotqa jiberilgen búkil bıtkoın eki ese bolyp qaıtady. Eger 1000 dollar aýdarsańyz, 2000 dollar etip qaıtaramyn. Muny 30 mınýt ishinde ǵana oryndaımyn».
Aıta keterligi, shabýylǵa ushyraǵan akkaýnttyń bárinde jarııalanǵan mátin birdeı.
Al Twitter kompanııasynyń ózi oqıǵadan habardar ekenin, ony joıýmen aınalysyp jatqanyn málimdedi. «Twitter-degi barshamyz úshin qıyn kún. Bárimiz bolǵan oqıǵaǵa nalyp otyrmyz», dedi kompanııanyń basshysy Djek Dorsı.
Sondaı-aq hakerlerdiń shabýylyna ushyraǵandar qatarynda AQSh-tyń burynǵy prezıdenti Barak Obama, AQSh Demokratııalyq partııasynyń jetekshisi Djo Baıden, Izraıl premer-mınıstri Bınıamın Netanıahý jáne taǵy basqa belgili tulǵalar bar. Budan bólek, Apple jáne Uber sekildi alpaýyt kompanııalardyń akkaýnttary da shabýylǵa ushyraǵan.
Týıtterde mundaı jaǵdaı alǵash ret tirkelip otyrǵan joq. Byltyr hakerler Djek Dorsıdiń akkaýntyn buzyp, rasızmge toly jazbalar qaldyrǵan edi.