Halyqaralyq fýtbol federasııasy (FIFA) 2022 jyly Qatarda ótetin álem chempıonatynyń kúntizbesin jarııalady.
Týrnırdiń shymyldyq ashar matchy 2022 jyldyń 21 qarashasyna josparlanǵan. Bul kúni Qatar quramasy 60 myń jankúıer syıatyn «Ál Beıt» stadıonynda jahan birinshiligin bastap beredi. Toptyq kezeń básekeleri 2 jeltoqsanǵa deıin sozylady. Matchtar Qazaqstan ýaqyty boıynsha saǵat 16:00, 19:00, 22:00 jáne 01:00-de bastalady. Toptyq kezeńniń sońǵy oıyndary men pleı-off kezdesýleri saǵat 21:00 jáne 01:00-de bastalady.
Al 1/8 fınal básekeleri 3-6 jeltoqsanǵa josparlanǵan. Shırek fınal – 9-10 jeltoqsanda, jartylaı fınal – 13-14 jeltoqsanda jáne 3-oryn úshin ótetin match 17 jeltoqsanda oınalady. Fınaldyq kezdesý 18 jeltoqsanda Lýsaıl qalasyndaǵy 80 myń kórermen syıatyn stadıonda ótedi. Fınal Nur-Sultan ýaqyty boıynsha 21:00-de bastalady.