О́mir úshin qıylǵan ómir

Prezıdent Jarlyǵymen ekinshi dárejeli «Barys» ordeni­men marapattalǵan marqum Qaırat Baımuhambetov aqtyq de­mi shyq­qansha dárigerlik pary­zy­na adal bolyp ótken jan. Ol Almaty oblysynyń bas mem­le­­kettik sanıtarlyq dárigeri qyz­metinde júrip koronavırýs pan­demııasy bastalǵan alǵashqy kezeńnen bastap kúrestiń alǵy shebinde júrdi. Indettiń aldyn alý men saqtyq sharalaryn uıymdastyrý jumysynyń negizgi salmaǵy sanıtarlyq qyz­met­ke túskeni belgili. Qazir de bul mindetti oblystyń sanıtar dári­gerleri abyroımen atqarýdy jal­ǵastyrýda.

Al áskerı dáriger, Jambyl aýdany, Uzynaǵash aýylyndaǵy or­talyq aýrýhanada uzaq jyl qyz­­met atqarǵan Begalıdın Alash­baev ta indet juqtyrǵan naý­qas­tardyń ómiri úshin aqy­­ryna deıin kúresken antyna berik jan­nyń biri boldy. Marqumnyń jan­qııarlyq eńbe­gi Prezıdent Jar­ly­ǵymen «Qurmet» ordenimen atalyp ótip, onyń ómir úshin kúrestegi ónegeli isi men jarqyn beınesi júrekterde máńgilik jasaıtyn bolady.

– Antqa adal bolýdyń úlgisin bizdiń áriptesterimiz kórsetip otyr. О́kinishke qaraı, ómir úshin kúreste óz ómirin táýekel etken dárigerler bar. Aımaqtaǵy marqum bolǵan, naýqastanyp qal­ǵan aq halatty jandardyń otbasyna kóńil aıtyp, myqtylyq tileımin. Jalpy, búgingi qıyn-qystaý shaqta oblysta 3 myńnan astam medısına qyzmetkeri kún saıyn qyzmettik paryzyn atqarýda. Onyń ishinde 851 dári­ger, 1718 orta toptaǵy medısına qyzmetkeri jáne 436 kishi býyn qyzmetker bar. Barlyq qyz­metkerdiń qaýipsizdigin qam­ta­ma­syz etip, alańsyz jumys isteýi úshin tolyq jaǵdaı jasap otyrmyz, – deıdi oblystyq densaýlyq saqtaý basqarmasynyń basshysy Baýyrjan Ysqaq.

О́tken úsh aıdyń ishinde oblys­taǵy 3 myńnan astam medı­­sına qyzmetkeri jalpy somasy 1,2 mlrd teńge bolatyn úste­meaqy aldy. Sol sııaqty jer­gi­likti bıýdjet esebinen 1023 me­dı­sına qyzmetkerine jalpy somasy 137 mln teńge syıaqy berilgen.

Almaty oblysy