Monıtorıngke qatysýda

Qazirgi ýaqytta Májilis depýtattary óńirlerde koronavırýspen kúres jónindegi keshendi jumystarǵa belsene aralasýda. Olar qoǵamdyq baqylaý toptarymen birge dárihanalarǵa baryp, dári-dármekterdiń, me­dısı­nalyq maqsattaǵy bu­ıym­dardyń baǵala­ryna monı­torıng júrgizýde. Sony­men qatar eriktilerdiń ju­­mysyn uıym­dastyrýǵa jár­dem­desip, medı­sınalyq mekemelerge gý­ma­nıtarlyq kómektiń jetki­zilýi men taratylýyn, ha­lyq­ty qajetti taýarlarmen jáne azyq-túlikpen qamtamasyz etýdi baqylaýǵa aldy.

Sondaı-aq dárigerlerdiń ju­mys jaǵdaılary men aýrýha­nadaǵy emdelýshilerdiń ahýalyna erekshe kóńil bólinýde. Májilis depýtattary Záýresh Amanjolova men Serik Qu­saıynov Almatydaǵy Orta­lyq qalalyq klınıkalyq aýrýhanaǵa baryp, medısına qyz­metkerlerimen kezdesti. Kez­desý barysynda koronavırýs­pen emdelip jatqandardyń jaǵ­daılaryn kórip, aýrýhananyń dárihana qoımasymen tanysty.

Medısınalyq mekeme bir mez­gilde COVID-19 dıagnozy qoıyl­ǵan 320 naýqasty qabyldaı alady. Kún saıyn aýysymǵa aýrýhananyń 150 qyz­­metkeri tú­sedi. Medı­sı­nalyq mekeme bar­lyq týyn­daǵan máselelerdi jyl­dam sheshýge tyrysýda. «Biz jańa modýldik aýrýhanany arnaıy teksermedik. О́ıtkeni ol jańa apparattar men preparattarmen qamtamasyz etilgen. Al bul mekeme 70-shi jyldary salynǵan jáne bastapqyda osyndaı maqsattarǵa arnalma­ǵan. Degenmen ol qaıta jabdyq­taldy. Sonymen qatar koronavırýstan emdeýge arnalǵan dári-dármekter qory bir aıǵa jetedi», dedi Májilis depýtaty Záýresh Amanjolova.

Aýrýhana basshylyǵy emde­lýshilerdi qabyldaý múmkindigin arttyrý úshin qosymsha sharalar qabyldanyp jatqanyn aıtty.

Jalpy, Májilis depýtat­ta­­rynyń aımaqtardaǵy ju­my­sy­nyń basty baǵyty dárihana­lar­daǵy medısınalyq maqsattaǵy buıymdardyń, son­daı-aq dári-dármekterdiń baǵa­syna monıtorıng júrgizý.

Sybaılas jemqorlyqqa qar­sy is-qımyl agenttigi qyzmet­kerlerimen jáne belsendilermen birge Májilis depýtaty Sne­janna Imasheva Nur-Sultan qalasynda, al májilismender Gleb Shegelskıı men Quralaı Qaraken Aqtóbe qalasyna bardy. Májilis depýtattary Irına Aronova men Aıgúl Nurkına Qostanaı men Pav­lodardaǵy medısınalyq mekemelerge gýma­nıtarlyq kómektiń taralýyn baqylaýda ustaıtyn bolady. Depýtattar, eń aldymen, gýma­nıtarlyq taýarlardyń, ási­rese medısınalyq uıymdarǵa jet­­kizilýine basa nazar aýdarýda.

Sonymen qatar Májilis depýtattary halyqty áleýmettik qol­­daýǵa erekshe mán berýde. Má­­jilis depýtaty Erlan Barly­baev Almaty oblysyndaǵy Baı­serke aýylyna baryp, 12 áleý­mettik jaǵdaıy tómen otbasyna kómek berdi. Aýyl turǵyn­darymen áńgimelesý barysynda ol eshkimniń qoldaýsyz qal­maıtynyn aıtyp, halyqty sabyrly bolýǵa shaqyrdy.