Búgin "Atyraý-Aqparat" JShS-niń dırektory bolyp Ysqaq Egemberdıev taǵaıyndaldy. Jańa basshyny ujymǵa oblys ákimniń orynbasary Baqytgúl Hamenova tanystyrdy.
Ysqaq Egemberdıev 1983 jyly dúnıege kelgen. Bilimi – joǵary. Ál-Farabı atyndaǵy Qazaq ulttyq ýnıversıteti jýrnalıstıka fakýltetiniń túlegi. 2005-2007 jyldary atalǵan ýnıversıtetten jýrnalıstıka magıstri biliktiligimen akademııalyq dárejesin aldy.
Eńbek jolyn 2000 jyly Qaraǵandy oblysy, Jezqazǵan qalalyq "Saryarqa", "Mysty óńir" gazetterinde tilshisinen bastady. 2003-2004 jyldary "Qazaq ýnıversıteti", "Jas Alash"" gazetteriniń tilshisi boldy. 2005-2019 jyldary "Habar" agenttiginde ssenarıst, redaktor, shef-redaktor, prodıýser, joba jetekshisi retinde shyńdaldy.
2019 jyldyń sáýirinen beri "Atyraý-Aqparat" JShS dırektorynyń orynbasary bolyp jumys istedi.
"Atyraý-Aqparat" medıaholdıngi – eki oblystyq, jetiaýdandyq gazetti, 11 saıt pen baspahanany biriktirgen úlken qurylym. Munda dástúrli jýrnalıstıkamen birge, ınternet-medıany da damytý qolǵa alynǵan.