Premer-Mınıstr Asqar Mamın Mınsk qalasyna sapary aıasynda Belarýs Respýblıkasynyń Prezıdenti Aleksandr Lýkashenkomen kezdesý ótkizdi jáne Eýrazııalyq úkimetaralyq keńestiń (EAÚK) otyrystaryna qatysty, - dep habarlaıdy Egemen.kz
Belarýs Respýblıkasynyń Prezıdenti A. Lýkashenkomen kezdesý barysynda saýda-ekonomıkalyq, ındýstrııalyq, aýyl sharýashylyǵy, sıfrlyq salalardaǵy, sondaı-aq Eýrazııalyq ekonomıkalyq odaq aıasyndaǵy eki eldiń yntymaqtastyǵynyń ózekti máseleleri talqylandy.
EÚAK otyrysynda sóz sóılegen Qazaqstan Úkimetiniń basshysy ózara is-qımyldyń problemaly máselelerin sheshý úshin ýaqytyly ári sapaly aqparat almasý maqsatynda veterınarlyq, sanıtarlyq, fıtosanıtarlyq, kólik jáne kedendik baqylaý salalaryndaǵy ulttyq júıelerdiń ıntegrasııasyn jedeldetý qajettigin atap ótti.
Qazirgi kezge deıin EAEO ıntegrasııalanǵan aqparattyq júıesin damytý aıasynda 88 ortaq úrdis ázirlendi, onyń ishinde tek 19 (21%) iske qosylǵan.
Úkimet basshysy ózara jetkizýlerdi EAEO óndirýshi kásiporyndaryn osyǵan deıin ulttyq rejımdi usyný týraly kelisimge qol jetkizilgen memlekettik satyp alýlarǵa barynsha tolyq tartý esebinen arttyrý múmkin bolatynyn atap aıtty.
Premer-Mınıstr 2018 jyly aqpan aıynda Eýrazııalyq ekonomıkalyq komıssııa qurylymynda qurylǵan «Sıfrlyq ofıs» jumysyn kúsheıtý qajettigin atap ótti. 78 sıfrlyq bastamadan tek 14-ine (18%) qoldaý bildirilgen, 20-sy aıaqtalý ústinde (40-y qabyldanbaǵan, 4-ýi qarastyrylýda).
Otyrysqa qatysýshylar EAEO ishki naryǵynyń jumysy aıasynda kedergilerdi joıý, arnaıy qorǵanysh, dempıngke qarsy jáne ótemdik sharalardy qoldaný tetikterin jetildirý, sáıkestendirý quraldary arqyly taýarlardy tańbalaý júıesin odan ári damytý, gaz, munaı jáne munaı ónimderiniń ortaq naryǵyn qalyptastyrý, sondaı-aq basqa da máseleler boıynsha atqarylyp jatqan jumys barysyn qarastyrdy.
Otyrys qorytyndysy boıynsha «Jerdi qashyqtan zondtaý ulttyq derekter kóziniń negizinde ǵaryshtyq jáne geoaqparattyq ónimder men qyzmetterdi óndirý jáne usyný boıynsha Eýrazııalyq ekonomıkalyq odaqqa múshe memleketterdiń kiriktirilgen júıesi» memleketaralyq baǵdarlamasy qabyldandy. Baǵdarlama jerserikterdiń qoldanystaǵy jáne perspektıvaly toptamalarynyń resýrstaryn biriktirýdi, ortasha jáne joǵary sheshimdi ǵarysh apparattarynyń bazasynda Jerdi qashyqtan zondtaý (JQZ) birlesken ǵarysh júıesiniń jáne ǵaryshtan túsirýdiń biryńǵaı derekter bankin qurýdy qarastyrady, olardy ázirleý jáne óndirýdi EAEO elderiniń kásiporyndarynyń kooperasııasy júzege asyratyn bolady.
EÚAK EAEO-ǵa múshe memleketterdiń aýmaqtarynda COVID-19 koronavırýs ınfeksııasynyń jáne basqa da ınfeksııalyq aýrýlardyń taralýyna jol bermeý boıynsha turǵyndardyń sanıtarlyq-epıdemıologııalyq saýlyǵyn jáne densaýlyǵyn saqtaý salasyndaǵy is-sharalardyń keshendi josparyn bekitip, EAEO agroındýstrııasyn damytý jáne ındýstrııalandyrý kartasyn ázirleý týraly ókim jasasty, sondaı-aq 2021 jyldyń 1 naýryzynan bastap keden operasııalaryn elektrondy túrde jasaǵan jaǵdaıda kólik, kommersııalyq jáne basqa da qujattarda keden organdarynyń belgilerin qoımaý týraly sheshim qabyldady.
QR Premer-Mınıstri A. Mamın Belarýs Premer-Mınıstri R. Golovchenkomen, Qyrǵyzstan Premer-Mınıstri K. Boronovpen, Reseı Úkimetiniń Tóraǵasy M. Mıshýstınmen jáne Moldova Premer-Mınıstri I. Kıkýmen ekijaqty kelissóz ótkizdi.