Kentaý qalasynda kóp qabatty turǵyn úılerdiń syrtqy qabyrǵasyna qazaqtyń uly tulǵalarynyń beınesi salynýda. Alǵashqy mýral - qoǵam qaıratkeri, jazýshy Sáken Seıfýllınniń beınesi alystan menmundalaıdy, - dep habarlaıdy Egemen.kz.
Aldaǵy ýaqytta dál osyndaı qarqynda birneshe kópqabatty turǵyn úıge tarıhı tulǵalar beınesin salý josparlanýda. Qoǵam qaıratkeriniń beınesin aınytpaı salǵan jas sýretshi Álı Rysymbetov týǵan qalasynyń kórkeıýine óz úlesin osylaısha qosýda. Turǵyn úılerdiń qasbetine kórik berý jumystaryn "Qurylys Kentaý" JShS qolǵa alǵan.