Jas Otan Jastar qanaty uıymdastyrǵan «Dárigerlerge myń alǵys» aksııasy ár aýdanda jalǵasyp jatyr. Onyń aıasynda Jańaqorǵan aýdandyq fılıalynyń eriktileri adam ómirine arasha túsip júrgen aq halatty abzal jandarǵa shynaıy alǵystaryn jetkizip, arnaı̆y ázirlengen «Densaýlyq» sebetin tapsyrdy.
Pandemııa kezinde óz ómirlerin qaterge tigip, talaı jandy ajaldan arashalap qalǵan sala ókilderine jastar atynan alǵys bildirý sharasyna «Avto-lıder» kompanııasynyń jetekshisi, jas kásipker Nurbolat Ibraev qoldaý tanytty.
– Osynyń aldynda Qazaly aýdanynda ótken shara Jańaqorǵanda jalǵasyp jatyr. Alda oblys ortalyǵynda uıymdastyramyz. Árıne, derttiń dendemeýine baryn salyp, ár naýqastyń ómiri úshin kúresip júrgen dárigerlerge qandaı qurmet kórsetsek te jarasady. Osy sala ókilderine arnalǵan sharany ótkizýde aımaq eriktileriniń yqylasy erekshe bolyp otyr, – deıdi Jas Otan Jastar qanaty Qyzylorda oblystyq fılıalynyń tóraǵasy Álisher Qardashov.
О́zderine kórsetilgen qurmetke dárigerler de alǵysyn jetkizip, indetti aýyzdyqtaýǵa jumylǵan jastar bastamasyna sáttilik tiledi.
Qyzylorda oblysy