Bıylǵy 6 aıda 283 myń adam Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan "Eńbek" memlekettik baǵdarlamasyna qatysty, - dep habarlaıdy Egemen.kz.
Ol arqyly 217,6 myń adam jumysqa ornalastyrylsa, onyń ishinde 102,6 myń adam turaqty jumysqa turdy, dep habarlady EHÁQM baspasóz qyzmeti.
118 myńnan astam adam sýbsıdııalanatyn jumys oryndarymen qamtyldy, onyń ishinde 15 myń adam áleýmettik jumys oryndaryna, 14 myń adam jastar praktıkasyna, 89 myń adam qoǵamdyq jumystarǵa ornalastyryldy.
Eńbek resýrstarynyń utqyrlyǵyn arttyrý maqsatynda 1 shildede jumys kúshi artyq ońtústik óńirlerden 3019 adam, ıaǵnı 853 otbasy qonys aýdardy. 2020 jylǵy 1 shildedegi jaǵdaı boıynsha qysqa merzimdi oqý kýrstaryna 7,2 adam jiberildi, onyń ishinde 342 adam oqýdy aıaqtap, 148 adam jumysqa ornalastyryldy.
Jalpy jyl sońyna deıin bul sharamen 18,8 myń azamatty qamtý josparlanyp otyr.
Memlekettik baǵdarlama aıasynda jyl basynan beri jappaı kásipkerlikti damytý úshin 17,6 mlrd teńge somasyna 3 931 mıkrokredıt berildi, onyń ishinde 4 165 jumys ornyn ashqan aýyldyq kásipkerlerge 14,6 mlrd teńgege 3 687 mıkrokredıt berildi. Jappaı kásipkerlikti damytý aıasynda mıkrokredıtteýdi 2020 jylǵa deıin qarjylandyrý kólemi 54,2 mlrd teńgeni quraıdy, onyń 79,9% (43,3 mlrd teńge) aýyldyq jerlerge jáne 20,1% (10,9 mlrd teńge) qalalarǵa keledi.
Sondaı-aq baǵdarlamaǵa qatysýshylarǵa jańa bıznes-ıdeıalardy júzege asyrý úshin 200 AEK mólsherinde 24 myńnan astam memlekettik grant beriledi. 1 shildede 10,8 myń grant bólinip úlgerdi. Al "Bastaý Bıznes" jobasy boıynsha 30 myń adam kásipkerlik negizderine oqytylady