Nur Otan» nurly bolashaq jolynda

«Nur Otan» nurly bolashaq jolynda

Búgin Astanadaǵy Táýelsizdik saraıynda Elbasy Nursultan Nazarbaevtyń qatysýymen «Nur Otan» HDP-nyń kezekten tys HV sezi ótedi

Bılik partııasy kezekti bıigine umtylady

Keshe elordadaǵy Táýelsizdik saraıynda «Nur Otan» HDP XV sezi aıasynda birneshe taqyrypta seksııalyq otyrys­tar ótti. Úkimet músheleri, Parlament Senaty men Májilisiniń depýtattary, partııanyń ortalyq apparatynyń qurylymdyq bólim basshylary, aımaqtyq fılıaldarynyń ókilderi, jas­tar belsendileri qatysqan otyrystardyń alǵashqy seksııasy «Doktrına: partııanyń jańa ıdeologııalyq tuǵyrnamasy» degen taqyrypta uıymdastyryldy.

«Nur Otan» nurly bolashaq jolynda

Búgin Astanadaǵy Táýelsizdik saraıynda Elbasy Nursultan Nazarbaevtyń qatysýymen «Nur Otan» HDP-nyń kezekten tys HV sezi ótedi

Bılik partııasy kezekti bıigine umtylady

Keshe elordadaǵy Táýelsizdik saraıynda «Nur Otan» HDP XV sezi aıasynda birneshe taqyrypta seksııalyq otyrys­tar ótti. Úkimet músheleri, Parlament Senaty men Májilisiniń depýtattary, partııanyń ortalyq apparatynyń qurylymdyq bólim basshylary, aımaqtyq fılıaldarynyń ókilderi, jas­tar belsendileri qatysqan otyrystardyń alǵashqy seksııasy «Doktrına: partııanyń jańa ıdeologııalyq tuǵyrnamasy» degen taqyrypta uıymdastyryldy.

Táýelsizdikten tátti eshteńe joq

Seksııa jumysyna «Nur Otan» HDP Qoǵamdyq saıasat ınstıtýtynyń dırektory Saıasat Nurbek moderator bolyp, júrgizip otyrdy. «Jalpy, «Bul Doktrına ne úshin kerek?» degen saýaldar qoǵam ishinde týyndaǵany belgili. Synǵa da tartylyp jatyr. «Úlken ıdeıalardy tujyrymdaǵan mundaı qujat partııaǵa kerek pe, joq pa?» degen sıpattaǵy saýaldar da boı kóterdi. Biraq, Doktrınanyń eń negizgi ıdeıasy óte myqty. Bylaı qarasańyz, partııa 15 jasqa tolyp otyr. Osy 14-15 jyldyń ishinde partııanyń qundylyqtaryn toptastyryp, bir júıege keltiretin bir qujat bolmaǵan. Iаǵnı, partııanyń eń birinshi maqsaty – bizdiń qundylyqtarymyzdy bir qujatqa shoǵyrlandyryp, aıqyn túrde jarııalaý. Ekinshi bir úlken jańalyq, ıaǵnı Doktrınanyń ishinde jatqan tereń ıdeıa – birlik ıdeıasy. Qazirgi tańda, birlik eń úlken ustanymymyz ekendigi jaqsy kórsetilgen», dedi Saıasat Nurbek.

Budan keıingi kezekte ol sóz tizginin Parlament Senatynyń depýtaty, Qazaqstan Jazýshylar odaǵynyń tóraǵasy Nurlan Orazalınge berdi. Ol: «El-elde, jer-jerde, oblystarda, mekemelerde osy Doktrına talqyǵa tústi. Doktrına jóninde alyp-qashpa sóz kóp boldy. Kerek pe, kerek emes pe degen áńgimeler júrip jatty. Biraq, shynynda da, myna zamannyń qubylyp turǵan qazirgi ahýaly men minezine baǵa bere otyryp, Qazaqstannyń memleket retinde, el retinde osy keńistikte, XXI ǵasyrda qalaı bolýy kerek, osy ǵasyrda ıyǵyna qandaı júk artylýy kerek jáne qandaı jaǵdaıda biz eldik tutastyǵymyzdy, táýelsizdigimizdi saqtaı alamyz deıtin úlken, irgeli maqsattardyń barlyǵy jınaqtalyp, osy Doktrınanyń ón boıynan kórinedi. Men bul Doktrınany ásirelep jatqanym joq. Desek te, munda jastar problemasy jaqsy kóterilgen. Jastardyń taǵdyryna nemquraıly qaraıtyn bolsaq, biz eldiń erteńgi ıelerin dúbára jasaımyz. Demek, men bul máseleniń múmkindiginshe Doktrınanyń ishine kirgenine ishteı rıza boldym», dedi.

Bul kúngi otyrysta basqa da azamattar sóz alyp, qujat jobasy tóńireginde óz oı-pikirlerimen bólisti. Máselen, Parlament Májilisiniń depýtaty, «Nur Otan» partııasy Doktrınasyn jasaý jónindegi jumys tobynyń múshesi Qaıyrbek Súleımenov «Qazaqstannyń damýynyń basty nátıjeleri – «Nur Otan» HDP aldaǵy bastamalarynyń irgetasy» degen taqyrypta baıandama jasap, Qazaqstannyń táýelsizdik alǵan jyldardaǵy kezeńine sholý jasady jáne Doktrınanyń negizgi maqsat-mindeti tóńireginde áńgime qozǵady. «Doktrına – bul partııanyń baǵdarlamasy emes. Ol qazirgi jáne bolashaq Qazaqstannyń damýy jolyndaǵy partııanyń atqaratyn negizgi mıssııasy», dedi Q. Súleımenov óz sózinde.

Al L.N.Gýmılev atyndaǵy Eýrazııa Ulttyq ýnıversıtetiniń rektory Erlan Sydyqov «Nur Otan» partııasynyń tarıhı jaýapkershiligi» degen taqyrypta sóz qozǵaı kele, partııanyń jańa Doktrınasyna «zamannyń zárý, ómirdiń ózekti suranystaryn, qoǵamnyń kókeıkesti qajettilikterin tereń túsinýden týǵan baǵdarlamalyq qujat» degen baǵa berdi. Al tanymal ánshi Bekbolat Tileýhan qujatqa óz kózqarasy turǵysynan baǵa berdi. Ol: «Bul Doktrına ábden talqylandy. Muny talqylamaǵan adam bolǵan joq. Muny synamaǵan adam bolǵan joq. Basynda bilegimizdi sybanyp turyp, ózimiz de naızasyn ustaǵan batyr sııaqty qolymyzǵa qalamymyzdy alyp, synaýǵa kiristik. Biraq, aınalyp kelgende, ar jaǵynda, túp negizinde óte júrekpen jazylǵan qujat ekendigine kózimiz jetti», deı kele, óz oıyn «el úshin táýelsizdikten tátti eshteńe joq, azattyqtan artyq eshteńe bolǵan emes» degen oıymen sabaqtady. «Ol úshin kez kelgen nársege barýǵa bolady. 20 jyldyń ishinde biz Astanany saldyq. 20 jyldyń ishinde Selınogradtyń ústine Alashtyń kindigine aınalǵan osyndaı qalanyń kýási bolyp otyrmyz. Osynyń barlyǵy birliktiń arqasy», dep túıdi óz sózin B. Tileýhan.

Seksııa aıasynda ózge qatysýshylar Doktrınany partııanyń uzaq merzimdi perspektıvasyn aıqyndaıtyn negizgi qujaty retinde baǵalap, saıası jobanyń ereksheligin egjeı-tegjeıli talqydan ótkizdi.

Jumystyń jańa pishini

«Nur Otan» partııasynyń XV sezi aıasyndaǵy seksııalyq máji­lis­terdiń biri Astana qalasynyń tarıhı murajaıynda «Par­tııa­lyq jumystyń jańa pishini» degen taqyrypta jalǵasyn tapty.

Seksııa jumysyna moderatorlyq jasaǵan «Nur Otan» HDP hatshysy Eldar Syzdyqov qazirgi tańda óńirlerdegi jumystardy kúsheıtý qolǵa alynyp jatqandyǵymen bólise ketti. Onyń aıtýynsha, partııanyń óńirlik fılıaldary qyzmetkerleriniń jalaqysy 15 paıyzǵa kóterilip, jergilikti jerde jaýapkershilik júgi arta túsken. Jáne de «Jas Otan» jastar qanatynyń jumysyna qoldaý kórsetý ary qaraı da jalǵasyn taba beredi.

Májilis depýtaty Irına Aronova partııanyń saılaýaldy tuǵyrnamasynda kórsetilgen mindetterdi júzege asyrý barysyn sóz etti. Onyń sózine qaraǵanda, baǵdarlamalardyń júzege asyrylý barysyn qadaǵalap kele jatqan partııalyq ınstıtýttar olardyń sapaly júrýine de septigin tıgizip otyr. Osy rette depýtat saılaýaldy tuǵyrnamadaǵy mindetterdiń oryndalýyna monıtorıng júrgizý jolǵa qoıylǵandyǵyn da tilge tıek etti. Partııa Májilis jáne máslıhat depýtattary arqyly bıýdjettiń atqarylýyn baqylaý jumystaryn kúsheıtetinin de nazardan tys qalǵan joq. Ásirese, partııalyq kýratorlarǵa úlken jaýapkershilik júktelýde.

Elimiz boıynsha qoǵamdyq qabyldaý bólmeleriniń jumysy kúsheıtilmek. Bul jaıynda «Nur Otan» Ortalyq apparaty Qoǵamdyq qabyldaý bóliminiń meńgerýshisi Jumajan Júkenov aıtyp berdi. «Bıylǵy 9 aıdyń ishinde 100-den astam qabyldaýlar ótkizildi. Bul byltyrǵymen salystyrǵanda 30 paıyzǵa artyq. Osynyń ózi partııaǵa degen halyqtyń senimi zor ekenin kórsetedi», dedi ol. Partııa fılıaldary úshin ǵımarattar satyp alý qolǵa alynyp jatqandyǵyn da aıtyp ótti. Jyl basynda partııa menshiginde keńseniń 12 paıyzy ǵana bolsa, qazirgi tańda ol 97 paıyzǵa jetken.

Elektrondy partııa jaıynan «Nur Otan» HDP Ortalyq apparaty aqparattyq tehnologııalar qyzmetiniń jetekshisi Rýslan Asaýbaev habardar etti. Onyń sózine qaraǵanda, qoǵamdyq qabyldaý bólmeleri tolyq avtomattandyrylady. Qazirgi tańda partııa músheleriniń sanyn elektrondy esepke alý jolǵa qoıylǵan. Osy rette kadrlarmen jumys isteý kezinde óńirlerdegi keıbir aqparattardyń durys emestigi anyqtalǵandyǵy da mysal retinde keltirildi. Mine, sondaı kemshilikterdi joıý maqsatynda qujat aınalymyn, atqarýshylyq tártibin retteý maqsatynda jáne múshelik jarnany tóleýdi ońtaılandyrý úshin jumys avtomattandyrylyp, bir júıege keltiriledi.

Jalpy, partııa jumysynyń jańa pishinge kóshýi týraly kóptegen málimetter keltirildi. Partııa osy rette ózine tıesili emes aktıvterden arylý jumystaryn júrgizip, partııalyq qarjyny únemdeý jaıyn pysyqtaýda eken. Únemdelgen qarjy halyqpen jumys isteýge jumyldyrylatyn kórinedi. Kadrlyq máselelerde óńirlik deńgeıdegi quram eki esege deıin arttyrylatyny belgili boldy. Ásirese, apparat qyzmetkerlerine biliktilik talaptaryn arttyrý kózdelip otyr. Partııanyń Ortalyq apparatynda fýnksııa men qarjyny ońtaılandyrý maqsatynda jumys isteıtinderdiń sanyn 30 paıyzǵa qysqartý júrse, basqarý bóligi 7-den 5-ke deıin kemitilipti.

Seksııa otyrysynda partııa jumysyn barynsha utymdy uıymdastyrý, adam kapıtaly áleýetin arttyrý jaıy jan-jaqty sóz boldy.

Uıymnyń óńirlerdegi órisi qandaı?

Seksııalyq májilistiń endi biri Táýelsizdik saraıynyń Saltanat zalynda «Partııanyń aımaqtyq saıasaty: basymdyqtar men perspektıvalar» taqyrybynda ótti. Oǵan óńirlerden kelgen partııa músheleri, Ortalyq apparat ókilderi, Parlament depýtattary qatysty.

Seksııa jumysyn «Nur Otan» HDP Ortalyq apparatynyń basshysy Qumar Aqsaqalov júrgizip otyrdy. Jıyn tizginin ustaǵan moderator seksııany ashyp bergen soń sóz kezegin Májilis depýtaty Nurtaı Sabılıanovqa usyndy. Ol «Nur Otan» partııasy Saıası doktrınasynyń aıasynda partııa, bıznes jáne úkimettik emes uıymdardyń ózara áreketiniń áleýmettik aspektileri jóninde baıandady. N.Sabılıanov bul Doktrınany talqylaý barysynda birneshe aýdan-aýyldardy aralap, óńir turǵyndarynyń usynys-pikirlerin tyńdaǵanyn jetkizdi. Al olardyń kópshiligi Doktrınada barynsha eskerilgen.

Doktrınada bıznes, partııa jáne úkimettik emes uıymdar ókilderiniń ózara ás-qımyly, úndestigi, olardyń birlese otyryp el ıgiligine jumys isteýi aıryqsha aıtyldy. Sebebi, aımaqtardaǵy shaǵyn jáne orta bıznestiń áleýmettik jaýapkershiligin arttyrý – qoǵam úshin asa mańyzdy faktor. Eldi mekenderdegi keıbir kúrdeli áleýmettik máselelerdiń sheshimin izdeýde bul úshtiktiń bir arnada toǵysýy, birlese jumys isteýi asa mańyzdy, dedi N.Sabılıanov.

Jıynda budan ary partııanyń Mańǵystaý oblystyq fılıaly tóraǵasynyń birinshi orynbasary Qanybek Jumashev «Tıimdi basqarý. Aımaqqa aksent» taqyrybynda sóz qozǵady. Osy baǵytta óziniń usynys-ustanymdaryn ortaǵa saldy. Máselen, aımaqtyq fılıaldardaǵy partııa músheleriniń biliktiligin arttyrý, uıymdastyrýshylyq, basqarýshylyq qabiletterine qoldaý bildirip, arnaıy sheberlik, tájirıbelik jumystar júrgizý qajet dedi, ol. Sondaı-aq, óńirlerdegi negizgi salalarǵa mán berip, aımaqtyń naqty qaı baǵytta jumys isteý kerektigine kóńil bólý qajettigin alǵa tartty. Sonymen qosa, ol partııa músheleriniń barlyǵy birdeı belsendilik tanytýyna yqpal etý kerek degen oıda.  

Qyzylorda oblysy Jańaqorǵan aýdany Sýnaq ata aýyldyq okrýginiń ákimi Ázııa Qystaýbaeva «Jergilikti ózin ózi basqarý júıesiniń tıimdiligin arttyrýdaǵy aýyl okrýgindegi bastaýysh partııa uıymdarynyń róli» taqyrybynda áńgimeledi. О́zin ákim-ana, ákim-áje atap, tipti 72 jastaǵy enesiniń aldynda kelin ekenin aıtyp ótken Á.Qystaýbaeva óz aýylynyń birligi men uıymshyldyǵyn maqtan tutatynyn jetkizdi. 20 jyldan beri bir aýyldy basqaryp otyrǵan ákim bastaýysh partııa uıymdarynyń jumysyn jandandyrýǵa budan ári de óz úlesin qosa beretinin atap kórsetti.

Partııanyń Jambyl oblystyq máslıhatyndaǵy depýtattyq fraksııasynyń jetekshisi, partııanyń oblystyq fılıaly tóraǵasynyń birinshi orynbasary Masat Áshimuly máslıhattardaǵy partııalyq fraksııalar qyzmetiniń tıimdiligin arttyrý jaıynda biraz usynystarymen bólisti. Al Astana qalasyndaǵy «Birlik» partııa fılıaly tóraǵasynyń birinshi orynbasary Álııa Qaısharova «Partııa músheleriniń elektrondy esebi: partııalyq jumystyń jańa múmkindikteri» taqyrybyn talqyǵa salyp, partııa Ortalyq apparaty aqparattyq tehnologııalar qyzmetiniń konsýltanty Janar Baǵasharova «Elektrondy partııa» jobasyn engizý aıasynda aımaqtardyń jumysyn ońtaılandyrý jónindegi mańyzdy málimettermen bólisti.

Jıyn sońynda qatysýshylar tarapynan suraqtar qoıylyp, usynystar aıtylyp, seksııalyq jumystyń sheshimi talqylandy.

Jastarǵa senim qashanda joǵary

«Nur Otan» partııasynyń XV Sezi aıasynda «Jastarǵa senim artý: bolashaq jeńister strategııasy» taqyrybynda seksııalyq májilis ótti. Onda partııa men «Jas Otan» jas­tar qanaty jumysynyń jańa úlgisine, negizgi baǵdary men strategııalyq mindetterine, Parlament Májilisiniń jastar saıasatyna qatysty jańa zań ázirleýine, onyń mańyzy men erekshelikterine, Bilim jáne ǵylym mınıstrligi jastar isi komıtetiniń qyzmetine, máslıhattardyń jas depýtattary men partııa jáne «Jas Otan» jastar qanaty arasyndaǵy ózara yntymaqtastyqtyń úlgilerine, sondaı-aq, jastar qanaty óńirlik fılıaldarynyń qyzmetindegi erekshelikterge basty nazar aýdaryldy.

«Jas Otan» jastar qanatynyń atqarýshy hatshysy Nurlan Sydyqov, Parlament Májilisiniń depýtaty, Áleýmettik-mádenı damý komıtetiniń múshesi Meıram Begentaev, Bilim jáne ǵylym mınıstrligi Jastar isi komıtetiniń tóraǵasy Ǵabıdolla Ospanqulov, máslıhat depýtaty, «Jas saıasatker» aqparattyq-nasıhat tobynyń jetekshisi Tatıana Novıkova men «Jas Otan» jastar qanaty Qyzylorda oblystyq fılıalynyń atqarýshy hatshysy Erkebulan Meńlibaev atalǵan máseleler boıynsha naqty derekter keltire otyryp, óz oılaryn ortaǵa saldy. Sondaı-aq, májiliske qatysýshylardyń suraqtaryna jaýap berip, pikirleri men usynystaryn tyńdady.

Bilim jáne ǵylym mınıstrligi jastar isi komıtetiniń tóraǵasy Ǵabıdolla Ospanqulov Jastar saıasatyn qalyptastyrýda negizgi úsh baǵyt boıynsha jumys júrgiziletinin aıtyp ótti. «Olar jastardyń durys qalyptasýyna jaǵdaı jasaý, jastardy áleýmettendirý jáne jastardyń azamattyq deńgeıin kóterý. Birinshi kezekte jastardyń densaýlyǵyna kóńil bólinedi. Bul oraıda, jastarǵa salamatty ómir saltyn nasıhattaý, sport alańdarynyń qoljetimdiligi men júıeli medısınalyq qyzmet kórsetý máseleleri qarastyrylady. Ekinshi kezekte jastarǵa sapaly bilim berý máselesi tur. Bul máselede oqýshylarǵa mamandyq tańdaýda baǵyt berýdi mektep qabyrǵasynan bastap qolǵa alý kerek. Osylaısha, jastardyń bolashaqta naryǵymyzǵa qajetti mamandyqtardy ıgerýlerine jaǵdaı jasaı alamyz. Al odan keıin jastardy jumyspen qamtamasyz etý, baspana jáne otbasy máseleleri qarastyrylady», – dedi ol.

«Jas Otan» jastar qanatynyń atqarýshy hatshysy Nurlan Sydyqov «Jas Otannyń» ustanǵan baǵyttary men jańa bastamalary jóninde oı bólisti. Ol sondaı-aq, elimizdiń kóptegen óńirinde «Jas Otannyń» fılıal­dary ashylyp, olar óz kezeginde qyzý jumys júrgizip jatqandyǵyn aıtty. «Jas Otan» jastar qanaty Qyzylorda oblystyq fılıalynyń atqarýshy hatshysy Erkebulan Meńlibaev bul aqpardy tolyqtyra túsip, óz óńirindegi atqarylyp jatqan jumystarmen tanystyryp ótti. Qazirgi tańda Qyzylorda oblysy «Jas Otan» jastar qanatynyń janynan qalalyq jáne 7 aýdandyq fılıal jumys jasaýda. Bul óńirde jasotandyqtardyń sany 11 myńnan asyp otyr. «Biz Qyzylorda oblysynda maqsaty men mindeti aıqyn 4 eriktiler tobyn qurǵan bolatynbyz. Olar taza til, balalar – bizdiń bolashaǵymyz, aqparattyq-nasıhattyq jáne ardagerlerdi ardaqtaıyq eriktiler toby. Bul toptar qazir belgili mindetter boıynsha belsendi jumys atqarýda», – dedi E.Meńlibaev.

Aıta ketetin jaıt, «Jas Otan» jastar qanatynyń II sezinde Elbasy N.Á.Nazarbaev dál osy Qyzylorda oblystyq «Jas Otan» fılıaly «taza til» eriktiler tobynyń bas­tamasyn erekshe atap ótip, ózge de óńirlerde osyndaı jumys júrgizýdi tapsyrǵan bolatyn.    

Elge qyzmet etýge mindettimiz

«Memleket elge qyzmet etedi» atty seksııa otyrysyn «Nur Otan» HDP Ortalyq apparat basshysynyń orynbasary Ásel Júnisova ashyp, buǵan deıin jan-jaqty talqylanyp kelgen Doktrınadaǵy negizgi taraý bolyp tabylatyn ekonomıka men áleýmettik máseleler búgingi basqosýdyń áńgime ózegine arqaý bolatynyn aıtyp, delegattardy óz kókeılerinde júrgen máselelerdi qozǵaýǵa shaqyrdy.

Alǵash sóz alǵan Ekonomıka jáne bıýdjettik josparlaý mınıstri Erbolat Dosaev «Qýatty ekonomıka – azamattar ál-aýqatynyń ósýiniń negizi» atty taqyrypta shaǵyn baıandama jasap, elimizdiń ekonomıka salasyndaǵy jetken jetistikterin tilge tıek ete otyryp, alda áli de aýqymdy mindetter turǵanyn atap ótti. Sonyń ishinde, ásirese, jekemenshik bıznestiń órken jaıýy kerek ekenine, ol úshin shaǵyn jáne orta kásipkerlerge aldaǵy ýaqyttarda jiti kóńil bólinetinine, olarǵa salynatyn salyqtyń tıimdi joly qarastyrylý ústinde ekenine toqtalyp, aýyl ákimderiniń jemisti jumys isteýine qolaıly jaǵdaılar jasalyp otyrǵanyn kóldeneń tartty.

Eńbek jáne halyqty áleýmettik qorǵaý mınıstri Tamara Dúısenova óz salalary boıynsha atqarylǵan is-sharalardy atap ótip, negizgisi eldi jumyspen qamtamasyz etý baǵdarlamasy ekenine, bul boıynsha úsh baǵytta jumys jasalyp jatqanyna toqtaldy. Ásirese, aýyl jastaryn jumyspen qamtamasyz etýdiń kún tártibindegi negizgi másele bolyp otyrǵanyn aıtty. Sondaı-aq, mınıstr ústimizdegi jyly 4 mıllıonǵa jýyq adamǵa áleýmettik kómek kórsetilgenin, oǵan qomaqty qarjy jumsalǵanyn jetkizip, kelesi jyly bul kórsetkish odan da asatynyn, ásirese, múgedek jandar men kópbalaly otbasylarǵa erekshe jaǵdaılar jasalatynyn málimdedi.

Májilis depýtaty Aıgúl Soloveva «Memleket elge qyzmet etedi» atty taqyrypta áńgime qozǵap, osyǵan deıingi osy baǵytta atqarylǵan jumystar barysyna toqtaldy jáne jastarǵa aldymen sapaly bilim berý qajettigine, sodan soń mamandyǵyna oraı eńbekpen qamtamasyz etý kerektigine nazar aýdardy.

Májilis depýtaty Kamal Burhanov ta bilim berýdegi sapaǵa erekshe kóńil bólý kerektigin tilge tıek etip, elimizdegi oqý nysandarynyń únemi depýtattar tarapynan baqylaýda ekenin eske saldy.

Otyrysta sóz alǵan «Oqjetpes» emdeý-saýyqtyrý kesheni» AQ prezıdenti Qanat Tósekbaev medısına salasyndaǵy jetken jetistikterdi aıta kelip, áli de elge qyzmet etýde dárigerlerdiń atqarar jumysynyń qomaqty ekenine ekpin túsirse, Qazaqstannyń isker áıelderi qaýymdastyǵynyń prezıdenti Raýshan Sársembaeva áıel qaýymynyń da qoǵamda atqaryp otyrǵan isteriniń qomaqty ekenin, olarǵa árkez er azamattardyń qoldaýy men qamqorlyǵy qajet ekenin tilge tıek etti.

Sondaı-aq, is-shara barysynda delegattar tarapynan «Aýǵan soǵysy ardagerlerine áleýmettik kómek qaı dárejede?», «Múgedekterdiń jumys isteýine tıisti jaǵdaılar jasala ma?», «Ardagerler týraly» Zańǵa ózgerister engizile me?», «Qarapaıym azamat memlekettik qyzmetkerler ústinen qalaı shaǵym túsire alady?» sııaqty suraqtar qoıylyp, oǵan mınıstrler tıisti jaýaptaryn berip, delegattar keı máseleler tóńireginde de óz oı-pikirlerin ortaǵa saldy.

«Egemen Qazaqstannyń» tilshiler toby.

 

*Delegattar lebizi

Idııat ÁBDIHALYQOV,

«Pavlodarteleradıo» JShS dırektory, oblystyq máslıhat depýtaty:

– «Nur Otan» HDP sezinde talqylanyp, qabyldanatyn par­tııa­nyń jańa Doktrınasy jobasymen jan-jaqty tanysqan adamdardyń biri retinde aıtarym, bul qujatta eli­mizdi damytýdyń barlyq máseleleri naqty kór­setilgen. Doktrına jobasy partııanyń oblystyq fılıalynyń esep berý-saılaý konferensııasynda da keńinen talqylanyp, jan-jaqty áńgime boldy. Usynystar men pikirler de aıtylǵan edi.

«Nur Otan» partııasy tarapynan ázirlenip, sezge usynylyp otyrǵan Saıası doktrına elimizdi álemdegi damyǵan 30 memlekettiń qataryna kirý jolyn ustanǵan saıası qujat bolyp tabylady. Memleket basshysy, «Nur Otan» HDP Tóraǵasy N.Á.Nazarbaev óziniń «Qazaqstan-2050» Strategııasyn jarııa etken kezde, osyny atap kórsetti. О́ıtkeni, buǵan deıingi «Qazaqstan-2030» Strategııasynda alǵa qoıylǵan mindetter merziminen buryn oryndaldy. Maqsatymyz básekege qabiletti jáne álemdegi damyǵan 50 eldiń ishinen kóriný bolatyn. Oǵan qol jetkizdik. Endi aldymyzda Qazaqstandy órkendegen 30 eldiń qataryna qosý mindeti tur. Bul belesti de baǵyndyrýǵa áleýetimiz jetetinine senimdimin.

Partııanyń sezinde qabyldanýy kútilip otyrǵan Doktrına partııa damýyndaǵy ǵana emes, búkil el damýyndaǵy ómirsheń jańa kezeńniń bastalatyndyǵyn kórsetip turǵandaı. Muny aıtyp turǵan sebebim, qujatta eń basty qundylyqtar – adam jáne onyń quqyqtary men bostandyqtary dep kórsetilgen. Mine, bul partııa uıymdarynan, partııanyń barlyq múshelerinen erekshe jaýapkershilikti talap etedi.

Ibrash ESTAEV,

«Estaev» sharýa qojalyǵynyń tóraǵasy, Qostanaı oblystyq máslıhatynyń depýtaty:

– Partııamyzdyń bul sezinde «Nur Otan» HDP Saıası doktrınasyn qabyldaýǵa tıistimiz. Doktrına jobasyna qatysty aıtar bolsaq, qujatta negizgi jeti másele kórsetilgen. Onyń biri – elimizdiń tutastyǵy. Qazaqstan – kópetnosty memleket bolǵandyqtan, tatýlyq pen yntymaq asa qajet. Onsyz alǵa qoıǵan mindetter men maqsattarǵa qol jetkizý múmkin emes. Bul másele jóninde Elbasymyz únemi aıtyp keledi.

Búginde Qazaqstan dúnıe júzine keńinen tanyldy. Munyń túp negizinde elishilik, etnosaralyq yntymaq, bereke men birlik jatqanyn eshkim joqqa shyǵarmaıdy. Biz osy yntymaqtyń arqasynda ekonomıkany damytyp, halyqtyń áleýmettik jaǵdaıyn jaqsartyp otyrmyz. Ras, eldi mekenderde sheshimin kútken máseleler de bar. Olar ýaqyt óte kele sheshiledi, buǵan búginde kópshiliktiń kózi jetti. Sebebi, partııa Tóraǵasynyń saıası erik-jigeri nebir qıynshylyqtan alyp shyqty. Bastapqy kezden-aq elimizdiń ustanǵan joly, baǵyt-baǵdary durys ekendigin kórsetti. El halqy búginde sonyń ıgiligin shynaıy sezine bastady.

Zerdelep qaraıtyn bolsaq, jyl ótken saıyn «Nur Otan» partııasynyń músheleri kóbeıip kele jatqany, oǵan jastardyń qyzyǵýshylyq tanyta bastaǵany baıqalady. Bul partııaǵa degen senimniń nyǵaıa túskenin bildiredi. Sońǵy jyldary partııa músheleriniń sapalylyǵyna basa nazar aýdaryla bastaǵany qýantady. Muny aıtqandaǵy maqsat – qatary teris áreketterden jat, jaýapkershilikti jete sezinetin adamdarmen tolyǵa berse degen oı. О́ıtkeni, jaýapkershilikti sezinbeıtinder men jemqorlyqtan aıaq tartpaıtyndar partııa bedelin túsiretini anyq.

Rsaldy EShIMOVA,

Almaty oblysyndaǵy Qapshaǵaı qalalyq bilim bóliminiń bastyǵy:

– «Nur Otan» partııasynyń sezine delegat retinde qatysý men úshin ǵana emes, barlyq delegattar úshin úlken abyroı. Ekinshi jaǵynan, partııanyń jańa Saıası doktrınasyn talqylap, ony qabyldaý barshamyzdan erekshe jaýapkershilikti talap etedi. Bizder, bilim berý mekemeleriniń qyzmetkerleri bala tárbıesimen aınalysatyndyqtan, kez kelgen ómirsheń máseleden shet qalmaýymyz kerek.

Saıası doktrına jobasynda kórsetilgendeı, memleketimizdiń basty qundylyǵy – adam, onyń quqyǵy men bostandyǵy. Al qujatta damýdyń jeti faktory kórsetilip otyr. Olar – birlik, kelisim, zııatkerlik ult, áleýmettik saıasat, tól mádenıet jáne rýhanılyq. Osylardyń ishinde bilim berý salasyna áleýmettik saıasat jaqynyraq keledi. Bilim berý júıesin alatyn bolsaq, adamdardyń bilim alýyna qoljetimdilik, alǵan bilimderin naryqtyq ekonomıkada tıimdi paıdalaný búgin de, bolashaqta da asa qajet. Sondaı-aq, kásiptik bilim berý jaǵyna da erekshe nazar aýdarylyp otyr. О́ıtkeni, kásiptik bilim berý áleýmettik salada lıft bolýy tıis.

Zııatkerlik ult máselesine kelsek, ol ǵylym men ınnovasııaǵa baılanysty. Bizdiń elimizde bul qarqyndy qolǵa alynyp jatyr. Oǵan oblystar ortalyqtarynda, birqatar qalalarda zııatkerlik mektepterdiń ashylyp jatqandyǵy dálel bolady. Doktrınanyń barlyq jeti faktorynda bilim berýdi damytý qajettigi kórsetilgen. Endi sezde qabyldanady dep otyrǵan Doktrınadaǵy máselelerdi oryndaýǵa barlyǵymyz óz úlesimizdi qosqanymyz jón demekpin.

Máýlen NUROV,

«Nur Otan» HDP Almaty oblysy, Uıǵyr aýdandyq fılıaly tóraǵasynyń birinshi orynbasary:

– Partııa Tóraǵasynyń júrgizgen saıasatyna baılanysty bizdiń aýdanda da kóptegen is-sharalar júzege asyrylyp jatyr. Saıası doktrına jobasy aýdandaǵy 20 bas­taýysh uıymda talqylanyp, jıyndar men konferensııalar ótti. Qujattyń ereksheligi jóninde jan-jaqty áńgime boldy. Aýdan boıynsha partııanyń 3,5 myńnan astam múshesi bar. Fılıal jeke ǵımaratqa ornalasqan. Aýdandaǵy eldi mekender turǵyndarynyń «Nur Otanǵa» degen kózqarasy erekshe. Partııany olar óz muqtajdaryn oń sheshýge tikeleı yqpal etetin saıası kúsh dep biledi.

Elimizdiń bolashaǵy – jastar. Osy maqsatta aýdanda «Jas Otan» jastar qanatynyń fılıaly jumys isteıdi. Jastar saıasatyn júzege asyrýda úlken jumystar atqarylyp keledi. Olardyń barlyǵy partııa fılıaly men «Jas Otan» jastar qanaty fılıalynyń birlesip jasaǵan baǵdarlamasy boıynsha júrgiziledi. Jastardyń shaǵyn jáne orta bıznespen aınalysýyna da jaqsy jaǵdaı jasalǵan. Aralarynda jeke kásiporyn ashyp, aýdan ekonomıkasynyń damýyna úles qosyp kele jatqandary da barshylyq.

Memleket basshysynyń «Qazaqstan-2050» Strategııasynda kórsetilgen mindet-maqsattarǵa ún qosyp, oǵan kópshilikti jumyldyrý bizdiń paryzymyz. Sezde qabyldanýy tıis partııanyń Saıası doktrınasy Elbasymyzdyń júrgizip kele jatqan saıasatymen úndes dep bilemin. Partııa jıynynan kópshiliktiń kúteri mol. Ol barshamyzdy belester men bıiktikti baǵyndyrýǵa bas­taıdy dep senemin.

Amangeldi JALǴASOV,

Qostanaı oblysyndaǵy «Aq kıik» JShS dırektory:

– «Nur Otan» partııasynyń buǵan deıin ótken on eki sezine delegat bolyp qatysqan edim. Mine, endi partııanyń kezekten tys shaqyrylǵan XV sezine de delegat retinde kelip otyrmyn. Ár sezde talqylanyp, alǵa qoıylǵan jos­parlar tolyq oryndalyp kele jatyr deýge bolady. Al osy jolǵy partııa seziniń eń basty ereksheligi «Nur Otannyń» jańa Saıası doktrınasy bolmaq.

Elbasy, partııa Tóraǵasy Nursultan Nazarbaevtyń sózinen týyndaıtyn keleli máseleler men Doktrınaǵa qatysty jaılardy aýylǵa barǵan soń kópshilik arasynda nasıhattap, jan-jaqty túsindirý jumystaryn júrgizýge nıettenip otyrmyz. О́ıtkeni, qalyń qaýym partııanyń osy sezinen kóptegen jańalyqtar men jaqsylyqtar kútýde dep oılaımyn.

«Doktrına» degen sózdiń maǵynasy óte keń, óte aýqymdy. Qujat jobasymen tanysý barysynda onda partııanyń aldaǵy kezeńderde qandaı máselelerge basa nazar aýdarylatyndyǵy naqtylanǵan. Ol birer jylǵy ǵana emes, uzaq merzimge arnalǵan. Qujat sonysymen de qundy. Onyń ústine Doktrınada el damýyna negiz bolatyn salalardyń barlyǵy qamtylyp otyr. Mysaly, «Bizdiń negizgi qundylyqtarymyz: Adam. Bostandyq. Birlik. Ádilettilik. Bolashaqqa umtylys» dep kórsetilgen.

Bulardan shyǵatyn qorytyndy, Qazaqstan azamattarynyń barlyǵy úshin teń múmkindikter bolýyn saqtaý. Iаǵnı, olarǵa birdeı múmkindikter beriledi. Meniń oıymsha, bul Doktrınanyń basty qaǵıdatynyń biri bolsa kerek. Osy qujat jobasy partııanyń aýdandyq jıynynda da talqylandy. Estýimizshe, aıtylǵan usynystardyń kópshiligi eskerilgen sııaqty. Jalpy, bizderdiń partııanyń bul sezinen kúterimiz kóp.

Maksım SPOTKAI,

Omby memlekettik ýnıversıtetiniń stýdenti, «Jas Otan» jastar qanatynyń múshesi:

– «Nur Otan» partııasynyń basshylyǵyna shynaıy rızashylyǵymdy bildiremin. О́ıtkeni, partııa jastardyń shetelderde oqyp, bilim alýyna barlyq jaǵdaıdy jasap keledi, sondaı-aq, jastardyń túrli is-sharalarǵa qatysyp, tájirıbe jınaqtaýyna únemi qamqorlyq kórsetip otyrady. Sondyqtan bizder, jastar elimizdiń erteńi úshin Prezıdentimizdiń «Qazaqstan-2050» Strategııasyn júzege asyrýǵa atsalysýymyz kerek.

Osy sezde partııanyń Saıası doktrınasy qabyldanady degen senimdemin. Meniń oıymsha, partııanyń bul sezi partııa tarıhynda alǵash ret quryltaı retinde ótkeli otyr. Biz jaqsy bilemiz, qazaq halqy úshin quryltaı asa aýqymdy ári máni zor oqıǵalardyń biri bolyp tabylady. Sezde talqylanatyn eń basty máseleniń biri – partııanyń jańa Saıası doktrınasy bolsa, ekinshisi – Elbasy, «Nur Otan» HDP Tóraǵasy N.Á.Nazarbaevtyń sóıleıtin sózi bolmaq. Biz sony asyǵa kútýdemiz.

Partııa Tóraǵasy óziniń sózinde barsha qazaqstandyqtarǵa ortaq jáne qatysty mindetter qoıyp, bolashaqta elimizdiń damýyna baǵyttalǵan maqsattardy belgilep beredi degen oıdamyn. Qazirgi kezde men Reseıdiń Omby qalasynda oqyp júrmin. Biraq, maǵan «Nur Otan» partııasy men «Jas Otan» jastar qanaty qymbat. Sebebi, men alty jyldan beri «Jas Otan» jastar qanatynyń múshesimin. Osy ýaqyt maǵan ómir mektebi boldy.

Shetelde bilim alyp júrgen qazaqstandyq jas­tar az emes. Olardyń barlyǵy erteńgi kúni elimizge oralyp, Qazaqstannyń ósip-órkendeýine, ómirsheń baǵdarlamalardy júzege asyrýǵa óz úlesterin qosady degen senimdemin. О́ıtkeni, memleket bizderdi shetelderdiń úzdik joǵary oqý oryndarynda bilim alýymyzǵa qamqorlyq jasaýda. Bizder sol qamqorlyqty esten shyǵarmaýymyz kerek.

Jazyp alǵan

Álısultan QULANBAI,

«Egemen Qazaqstan».

Sýretterdi túsirgen Erlan OMAROV.

Jańa doktrına – qazaqstandyq

Saıası júıe únemi túrli ishki jáne syrtqy áserler, qubylystar, úrdister men kúshter yqpalynda bolady. Sáıkesinshe, mindetterdi tıimdilikpen júzege asyrýda destrýktıvti jáne turaqsyzdandyratyn faktorlardan saqtaný kerek.

Qazaqstan Respýblıkasynyń ózine tán saıası júıesiniń qalyptasýyna deıin elimizde ústemdik ıdeologııasyna súıengen birpartııalyq júıe qalyptasqan edi. Qazaqstandaǵy jańǵyrtý úderisteri barysynda qajetti ekonomıkalyq ózgeristerdi uıymdastyrý qoǵamnyń saıası júıesin reformalaý sharalarymen qatar júrdi.

Qazirgi zamanǵy saıası júıeniń talaptary men suranystaryn qanaǵattandyrýdaǵy qalyptas­qan demokratııalyq qoǵamnyń myz­ǵymas qajettiligi ornyn toltyrýda saıası partııalar qyzmetiniń róli joǵary. Sondyqtan búgingi Qazaqstandaǵy kóppartııalyq júıeniń qalyptasýy jaǵdaıynda atalǵan azamattyq qoǵam ınstıtýtynyń saıası júıedegi orny erekshe. Sebebi, saıası partııalar memleket sekildi saıası júıeniń negizgi ınstıtýttary qatarynda sanalady.

Saıası partııalar ma­ńyz­­­dyly­ǵy men róli onyń qo­ǵamdaǵy ornymen qatar, aza­mat­tyq qoǵamdy jetildirýdegi qyz­metimen de ólshenedi. Aza­mat­tyq qoǵamnyń kemeldenýi qo­ǵamdyq damýdyń barlyq qurylymdaryndaǵy qyzmettiń demokratııalyǵy dárejesimen ólshenedi. Bul tusta mundaı sharalardyń negizgi bastamashysy sanalatyn «Nur Otan» halyqtyq-demokratııalyq par­tııasynyń róli men orny bólek. Álemdik qoǵamdastyq, otandyq jáne sheteldik sarapshylar da partııanyń búgingi qyzmetine joǵary baǵa berýde.

Elbasy Nursultan Nazarbaev partııa Tóraǵasynyń birinshi orynbasary Baýyrjan Baıbekti qabyldap, kezekti sezge Doktrına ázirleýdi tapsyrǵany belgili. Qujat «Qazaqstan-2050» Strategııasyn iske asyrý da bılik partııasynyń XXI ǵasyrdaǵy rólin, kózqarasy men ornyn qamtamasyz etetin júıelengen irgeli baǵdarlama bolǵaly tur. Osy maqsatta partııa óz qyzmetin basty jeti baǵytqa shoǵyrlandyryp úlgerdi.

Doktrınany daıyndaý bo­ıynsha májilisterge partııa Saıası keńesiniń músheleri, Parlament depýtattary men kórnekti qoǵam qaıratkerleri qatysty. «Partııa konstıtýsııasy» dep aıdar taqqan kóptegen sarapshylar oılaryna saı, atalǵan qujattyń keleshegi osy azamattar qolynda boldy.

Elimizdiń jarqyn bolashaǵy beınelenetin baǵdarlamada qazaqstandyq qoǵamnyń tómen­degi negizgi baǵyttaryna ba­sym­dyq berildi: eńbek etý quqy­ǵy, yntymaqtastyq, otbasy qundylyqtary jáne t.b. Doktrına Elbasynyń «Qazaq­stan-2050» Strategııasy – qalyp­tas­qan memlekettiń jańa saıa­sı baǵyty» atty Qazaqstan hal­qyna Joldaýyndaǵy basym baǵyttardy júzege asyrýda qazaqstandyqtardy ju­myl­dyratyndyǵyna kúmán joq. Sondyqtan jańa tujyrym­da­manyń negizgi qaǵıdalary fı­losofııalyq-dúnıetanymdyq saıası qujat ekendigin tanytyp otyr.

Jańa qujatta jańa qazaqstan­dyq patrıotızm baǵyttaryna basym nazar aýdarylǵan. Bul – asa mańyzdy másele. О́ıtkeni, jahandaný dáýirinde ulttyq-mádenı qundylyqtardyń álsi­reý qaýpi bar kezde jáne jahan­dyq qundylyqtar sal­ma­ǵy artyp turǵan tusta patrıo­tızm belgilerin pysyq­taý qajet ekeni anyq. Qa­zir­gi qoǵamda oryn alyp jat­qan transformasııalyq úde­ris­ter patrıotızm men onyń mazmunyna ózgerister engiz­gen­digin barshamyz bilemiz.

Elbasy N.Á.Nazarbaev «Qazaqstan-2050» Strategııasyn­da jańa qazaqstandyq patrıotızm – kópultty jáne kópkonfessııaly qoǵam tabysynyń negizi ekendigin atap kórsetken bolatyn. Bul baǵyttaǵy basty maqsat qoǵamdyq kelisimdi saqtaý jáne nyǵaıtý bolyp tabylǵandyqtan, memleket, qoǵam, ult retindegi ómir súrýdiń aınymas sharttaryn únemi damytyp otyrýǵa tıispiz.

Jalpy, patrıotty tárbıeleý – otbasy, ujym, mektep, qoǵamdyq uıymdar sekildi áleýmettik or­tanyń nysandarynyń obektıv­ti faktorlarynyń yqpaly men ındıvıdtiń rýhanı-tájirıbelik qyzmetiniń sýbektıvti sharttarynda oryn alatyn áleýmettik úderis. Patrıotızmge tárbıeleý jumysy – memlekettilikti beki­týdiń jáne elimizdiń qaýipsizdigi men táýelsizdigin qamtamasyz etetin negizgi sharttardyń biri. Bul shara júıeli túrde júrip, saıa­sı áleýmettendirýdiń ınstıtýttary arqyly óz baǵyttaryn aıqyndaýǵa tıis dep oılaımyz. Patrıotızm sózben nemese kez kelgen sharamen emes, aınalada bolyp jatqan jaǵdaılarǵa baılanysty qalyptasatyndyǵyn túsingen abzal. Eger olar durys, jaqsy ómir kórse, eger eńbegi men zeıinine qurmet kórsetilgenin sezinse, áleýmettik júıe ádiletti júrse, jaǵymdy pikir ornyǵady. Atalǵan qajettilikterdi adamzat sezinbese, qanshalyqty áde­mi sózder men sharalar ót­ki­zil­genimen, onyń kózboıaý­shy­lyq ekeni anyq sezilip turady. Sondyqtan Elbasy Jol­daýyn­daǵy basymdyqtar elimiz úshin beıbitshilik, turaqtylyq pen ósip-órkendeýdiń «altyn ǵa­syry» kezeńinde kózdegen maq­sattarǵa mindetti túrde jet­kizetindigine jáne jańa Doktrına strategııa­men qatar 2050 jylǵa deıingi damý ıdeologııasy bolatynyna Qazaqstan halqy úlken senim artady.

Murat NASIMOV,

saıası ǵylymdar kandıdaty.