Balalardyń tamaqtanýyn uıymdastyrýǵa baılanysty kórsetiletin qyzmetterdi, taýarlardy jetkizýshilerdi tańdaý jónindegi konkýrstyq rásimder elektrondyq formatqa aýystyryldy jáne memlekettik satyp alýdyń biryńǵaı portalynda júrgiziled, - dep habarlaıdy Egemen.kz.
Jańa erejeler balalarǵa sapaly ári jedel qyzmet kórsetý máselelerin (mektep ashanalaryndaǵy kezek, taǵamdardyń temperatýralyq rejımi jáne t.b.) sheshýge múmkindik beredi.
Mektep ashanalarynda balalardyń tamaqtanýyn ata-analar baqylaýda ustaýǵa múmkindik beretin qolma-qol aqshasyz esep aıyrysý engiziledi.
Mektep ashanalarynyń as bloktarynda tamaq daıyndaý prosesin kórýge múmkindik beretin beınebaqylaý kameralary ornatylady.
Ata-analar men balalardy aqparattandyrý úshin bilim berý uıymdarynyń ınternet-resýrstarynda, "Kúndelik" júıesinde as máziri, tamaqtyń fotosýretteri jáne t. b. qosa berilip, oqýshylardyń tamaqtanýyn uıymdastyrý týraly aqparat júıeli túrde ornalastyrylatyn bolady.