Shaqyrtýǵa shaǵyn toptar shyǵady

Qostanaı qalasyndaǵy №4 emhanada kún saıyn tańǵy saǵat 8:00-den túngi 00:00-ge deıin 5 mobıldi brıgada jumys isteıdi. Indetke qarsy kúresti kúsheıtý maqsatynda jasaqtalǵan jańa qyzmet tobynyń quramynda dáriger men medbıke bar. Olardyń árqaısysy arnaıy avtokólikpen qamtamasyz etilgen. Bas dáriger Margarıta Bısenovanyń aıtýynsha, 3 mobıldi topqa emhananyń óz kólikteri bekitilipti, qalǵan toptarǵa jergilikti taksı kompanııalarynyń biri kúnine eki avtokólikten bólip otyrady.

– Aldymen emhanaǵa qońyraý shalǵan turǵynnyń jaı-kúıin anyqtap alamyz. Qyzýy nesheni kórsetip turǵanyn, qaı jeri aýyratynyn, neshe kúnnen beri jaısyz kúıge túskenin, jóteliniń bar-joǵyn, PTR-i oń nátıje kórsetken naýqastarmen baılanysta bolǵan-bolmaǵanyn suraımyz. Dene qyzýy 38 gradýsty kórsetip tursa, mobıldi top dereý naýqastyń mekenjaıy­na attanady. Al qyzýy 38-den tómen naýqastardy emhana mamandary qashyqtan baqylap, kún saıyn jıi-jıi qońyraý shalyp, kútinip, kóp sý ishýge keńes berip otyrady. Mundaıda dene qyzýyn únemi qadaǵalap otyrý kerek. Qyzý 38 gradýsqa deıin bolsa, eshqandaı dári ishýdiń qajeti joq, al qyzý kóterilip jatqan jaǵdaıda, tańerteń jáne keshke parasetomol ishý kerek, – deıdi M. Bısenova.

Oblys ortalyǵynda ornalas­qan em­ha­na­lyq mobıldi toptar 25 maýsymnan beri jumys istep keledi. Mobıldi brı­gadanyń jumys algorıtmi – qara­pa­ıym. Emhanaǵa qońyraý túsken soń, top quramyndaǵy dá­ri­ger men medbıke dereý naýqastyń úıine baryp, jaǵdaıyn tekseredi. PTR-ǵa taldaý alý keregin nemese kerek emes ekenin anyqtaıdy. Osylaısha, jan-jaqty tekserip, em sharalaryn taǵaıyndaıdy. Eger naýqasty mindetti túrde stasıonarǵa jatqyzý qajet bolsa, mobıldi top sol jerde PTR-ǵa taldaý alyp, joldama jazady. Odan keıin kúdikti naýqasty jedel provızorlyq stasıonarǵa aparyp jatqyzý úshin kómek shaqyrady.

Bir mobıldi top táýligine 20-25 ret shaqyrtý boıynsha mekenjaıǵa shyǵady. Olardyń jumysyn indetke qarsy kúrestiń tıimdiligin arttyrý maqsatynda arnaıy qurylǵan Call-ortalyq úılestiredi. Bul ortalyqtyń jumys kestesi 12 shildege deıin dúısenbi-juma kúnderi saǵat 09.00 men 18.00 aralyǵynda bolǵan, qazir apta boıy demalyssyz, saǵat 09.00-den 18.00-ge deıin qońyraý qabyldaıdy. Ár aýysymǵa tórt qyzmetker eki-ekiden kezek­tesip shyǵady. Pandemııaǵa deıin Call-ortalyqqa kúnine 100-ge tarta adam habar­lassa, qazirgi ýaqytta 200-ge deıin qońy­raý kelip túsedi.

–Turǵyndar negizinen koronovırýs pen pnevmonııaǵa qatysty suraqtar qoıa­dy. Biz dárigerge qaralýdy eskertip, ma­man­­dardyń, medısına uıymdarynyń baı­lanys telefonyn, basqa da tıisti aqpa­rattardy aıtamyz. Sonymen qatar «dári-dármek jetispeı jatyr» dep shaǵym bil­dirgender de kezdesedi. Olardyń iz­de­genin surastyryp, dárihanalardyń anyqtama telefondaryn taýyp beremiz. Mysaly, búgin Lısakov qalasynan dári tapshylyǵy máselesine baılanysty birer qońyraý tústi. Olarǵa da osylaı jón si­l­te­dik, – deıdi Call-ortalyq mamany Irına Fýnk.

Munda qońyraý soǵý­shy­lar­dyń jas shamasy ártúrli, jastar da, qarttar da túrli ótinish­te­rimen habarlasyp jatady. Mynaý óńir naqty belsendi dep te aıtý qıyn. Biraq salystyrmaly túrde alyp qaraǵanda Call-ortalyqty jıi mazalaıtyn qalalyqtar degendi aıtady mamandar. Dáriger-mamandardyń aıtýynsha, mobıldi brıgadalar indetke qarsy kúrestiń tıim­di­ligin arttyra tú­se­di. Mu­ndaı jedel ári shaǵyn toptar ar­qyly birinshiden, emhanalar­da kezek kútken adamdar sany edáýir azaıady. Ekinshiden, sanı­tarlyq qaýipsizdik qam­tama­syz etiledi, ıaǵnı naýqas úıin­de em alatyndyqtan, onyń indet juq­ty­rý táýe­keli azaıady. Úshin­shi­den, onsyz da ju­mysy qaýyrt emhana dárigerleriniń kezekke tirkelgen naýqastarǵa bóletin ýaqyty molaıady. Qalaı desek te, búgingi jaǵdaıda naýqas­tar­dy qashyqtan emdeýdiń mańyzy zor.

Biz áńgime etken №4 emhana­daǵy mo­bıldi toptar táýligine 130-150 adam­ǵa deıin dárigerlik kómek kórsetedi. Al Qos­ta­naı qalasyndaǵy shaǵyn medı­sı­nalyq toptardyń barlyǵy kúnine 2 myńnan astam naýqasqa em-dom sharalaryn jasaıdy. Qazir oblysta jalpy sany 74 mobıldi top tynymsyz jumys istep jatyr.

Qostanaı oblysy