Elimizdiń birqatar óńirlerinde jedel járdem shaqyrtýlary azaıǵan. Qazir epıdahýal birte-birte ońalyp keledi, - dep habarlaıdy Egemen.kz Qazaqstan ulttyq arnasyna sileme jasap.
Syr óńirinde shildeniń basynda kúnine 3 myńǵa jýyq adam jedel-járdemge júginse, qazir shaqyrtýlar 1200-ge deıin azaıdy. Pnevmonııamen syrqattanǵan naýqastardyń sany da 45 paıyzǵa tómendegen. Aýrýhanalarda tósek oryn tapshylyǵy joq. Em alýshylardyń úlesi 66 paıyzdy qurap otyr. Sondaı-aq, emhanalar janynan quralǵan 161 mobıldi top halyqqa tynbaı qyzmet etip, úıden em júrgizýde. Munan bólek, 20 shildeden bastap, Call ortalyǵy iske qosylyp, mamandar táýlik boıy turǵyndar saýalyna jaýap berýde.
Qostanaı oblysynda da sońǵy aptada jedel-járdem shaqyrtýshylar sany edáýir azaıǵan. Qazir táýligine shaqyrtý 800-den aspasa, indet órshigen kezde bul kórsetkish 1200-1800-ge deıin jetken. Aımaqta 73 brıgada óz mindetin múltiksiz atqarýda.
Al Aqmola oblysynda jedel-járdem qyzmetine júginýshilerdiń qatary shildeniń bastapqy aptasymen salystyrǵanda 12 prosentke kemigen.