Soltústik Qazaqstannyń Taıynsha aýdanynda buryn kileń nemis turǵyndar qonystanǵan Kellerovka degen úlken selo bar, - dep habarlaıdy Egemen.kz.
Ol buryn aýdan ortalyǵy bolǵan edi. Qazir osy seloda jaman indetke ushyraýy múmkin kúdiktiler ornalastyrylǵan provızorlyq stasıonar bar.
Keshe "Nur Otan" partııasy Taıynsha aýdandyq fılıaly osy provızorlyq stasıonardyń qyzmetkerlerine «Dárigerlerge rahmet» aksııasy aıasynda birinshi kezektegi qajetti zattar, jemis-kókónister, azyq-túlik jáne gıgıena quraldaryn jetkizýdi uıymdastyrdy. О́zderin umytpaǵanyna stasıonar qyzmetkerleri sheksiz razylyqtaryn bildirdi.
Búgingi tańda provızorlyq stasıonarda 53 pasıent em alýda, olarǵa kútim jasaýdy 12 medısına qyzmetkeri júzege asyrady. Nurotandyqtar jetkizgen syılyqtardyń arasynda 50 lıtr bótelkelerdegi sý, qymyz, táttiler, shaı, qoıýlatylǵan sút, konserviler, maılyqtar, qaǵaz súlgiler jáne t.b. boldy.
"Nur Otan" partııasy Taıynsha aýdandyq fılıaly tóraǵasynyń birinshi orynbasary Sársenbaı Bekshenovtyń aıtýyna qaraǵanda "Dárigerlerge rahmet" aksııasy pandemııa kezinde eńbek etetin medısına qyzmetkerlerin qoldaý úshin uıymdastyrylǵan. "Belsendilerimizdiń kúshimen olarǵa syılyq retinde osy zattar jáne azyq-túlik jınaldy. Partııalyq baqylaý komıssııasynyń músheleri, "Taıynshınskıe vestı" aýdandyq gazetiniń bas redaktory Olga Sobolevskaıa jáne t.b. óz kómekterin usyndy. Stasıonardyń medısına qyzmetkerleri qazir kúsheıtilgen rejimde jumys isteıdi, sondyqtan olarǵa jan-jaqty qoldaý kórsetýimiz kerek", - deıdi Sársenbaı Bekshenov.
23 shildedegi málimetke qaraǵanda Soltústik Qazaqstan oblysynda jaman indetke ushyraǵan 2451 syrqat tirkeldi. Sonyń ishinde óńirdegi ınfeksııalyq stasıonarlarda 480 em orny bar, al provızorlyq stasıonarlarda 1620 oryn. Ýálıhanov aýdanynda qosymsha 10 ınfeksııalyq tósek-oryn quryldy. Sonymen qatar, oblystyq perınataldyq ortalyqta 10 shildeden bastap 25 tósektik karantındik stasıonar men 20 adamǵa arnalǵan provızorlyq stasıonar ashyldy.
Soltústik Qazaqstan oblysy