Jangeldi aýdanyna qarasty Baıtursyn aýylynan 15 shaqyrym jerdegi Qarasor ózeniniń mańaıynda 38 jastaǵy jergilikti turǵyny ustaldy. Kúdiktini tekserý barysynda odan soıylǵan aqbóken eti men ańshy myltyǵy jáne 12-shi kalıbrli eki oq tárkilenip alynǵan, - dep habarlaıdy Egemen.kz
"Aıǵaq zattar saraptamaǵa jiberildi. Qazir QR QK 339-babynyń ekinshi bólimi boıynsha sotqa deıingi tergeý júrip jatyr" - dep habarlady polısııa departamentiniń baspasóz qyzmeti.
PD tabıǵatty qorǵaý bóliminiń bastyǵy Talǵat Ahmetovtyń aıtýynsha, búgingi tańda aımaqta arnaıy tehnıkamen qamtamasyz etilgen mobıldi toptar reıd sharalaryn júrgizip, betpaqdala kıikteri mekendeıtin Torǵaı óńirin torýyldaýda. Sondaı-aq, polısııa patrýlderi óńirdegi mal urlyǵyna qatysty qylmystarǵa da tosqaýyl jasaıdy.
Qostanaı oblysy