Qazirgi tańda dárihanalardaǵy dárilerdiń tapshylyǵy men dárilerdiń baǵasy baqylaýda. Barshańyzǵa belgili, birshama ýaqyt aldyn biraz turǵyndar tarapynan dárilerdiń joqtyǵy men baǵanyń qymbattyǵy jaıly kóptegen aryzdar men ótinishter túsken, - dep habarlaıdy Egemen.kz
Árıne, ondaı aıǵaqtardyń bolǵany ras. Alaıda, qazir barlyǵy retke keldi desek bolady. Bul tikeleı Prezıdenttiń nazarynda turǵan másele.
Osynyń anyq-qanyǵyn anyqtaý maqsatynda Saıram aýdanynda da turaqty reıdtik sharalar uıymdastyrylýda. Búginde eshqandaı baǵanyń qymbattyǵy anyqtalyp jatqan joq. Shektik baǵa saqtalýda. Alaıda, keıbir dárihanalarda bireń-sarań dárilerdiń joq ekendigi belgili boldy. Olar jaıly dárihana egeleri tarapynan jetkizip berýshi kompanııalarǵa suranys berilgen.
Málimet úshin aıtaıyq, Saıram aýdanynda 29 dárihanamen memorandým túzilgen. Barlyǵyna eriktiler bekitilgen. Olar kúndelikti dárilerdiń shektik baǵalarynyń saqtalýyna monıtorıng jasaıdy, dárihana satýshylary men alýshy azamattarǵa karantın talaptaryn qatań saqtaý, maskalyq rejım men áleýmettik araqashyqtyqty ustaný boıynsha da túsindirý jumystaryn júrgizýde.