Shyǵystyń ǵulama oıshyly Ábý Nasyr ál-Farabıdiń ómiri men murasy arnaıy gıbrıdtik formatta ótken halyqaralyq ǵylymı sımpozıýmda talqylandy, - dep habarlaıdy Egemen.kz
200-ge jýyq qatysýshynyń basym bóligi is-sharaǵa onlaın qosyldy. Ulybrıtanııa, Qazaqstan, AQSh jáne Germanııanyń jetekshi ǵalymdary uly ǵulamanyń san túrli taqyryptaǵy traktattaryna sholý jasady. Uly oıshyldyń 1150 jyldyǵyna arnalǵan keńeste mýzyka ilimine qosqan úlesi de nazardan tys qalǵan joq. Oksford ıslamdyq zertteýler ortalyǵynyń dırektory Farhan Nızamı, bul is-shara Qazaqstanmen uzaq merzimdi ǵylymı yntymaqtastyq ornatýǵa serpin beretinine senim bildirdi.