Kásibı tennısshiler qaýymdastyǵy (ATR) men Áıelder tennısi qaýymdastyǵy (WTA) 2020 jyly Qytaıdaǵy týrnırlerdiń ótpeıtinin málimdedi, dep habarlady UOK baspasóz qyzmeti.
Mundaı sheshim qabyldaýǵa Qytaı bıliginiń jyl sońyna deıin koronavırýs indetine baılanysty qandaı da bir jarysty ótkizbeýi sebep bolǵan. Osylaısha, WTA Qytaıdaǵy jeti jarystyń ótpeıtinin málimdedi. Onyń ishinde, WTA fınaldyq kezeńi de bar. Atalǵan týrnır 1-8 qarasha aralyǵynda ótýi tıis bolatyn.
Erler arasynda ótpeıtin básekeler qatarynda Shanhaıdaǵy Masters 1000 týrnıri, Azııadaǵy jalǵyz ATR Masters 1000 týrnıri bar. Álemdik qaýymdastyqtar Qytaı bıliginiń bul sheshimine qurmetpen qaraıtynyn jetkizgen.