Prezıdent Qasym-Jomart Toqaev asa kórnekti ǵalym, belgili qoǵam qaıratkeri, Qazaqstan Respýblıkasy Ǵylym akademııasynyń burynǵy prezıdenti, ekonomıka ǵylymdarynyń doktory, professor Kenjeǵalı Ábenuly Saǵadıevtiń dúnıeden ótýine baılanysty onyń otbasy men jaqyndaryna kóńil aıtyp, jedelhat joldady, dep habarlady Prezıdenttiń baspasóz qyzmeti.
«Kenjeǵalı Ábenuly memleketimizdi damytý isine mol úles qosty. Qazaqstan Respýblıkasy Ǵylym akademııasyna jáne Qazaq memlekettik agrarlyq ýnıversıtetine basshylyq jasady. Parlament Májilisiniń III jáne IV shaqyrylymdarynyń depýtaty bolyp, otandyq zańnamany jetildirýge atsalysty, uzaq jyldar boıy ustaz retinde shákirtter tárbıeledi. Artynda óshpes iz, ulaǵatty urpaq, ǵylymı mura qaldyrdy. Marqumnyń jany jánnatta, ımany salamat bolsyn», delingen jedelhatta.