Búgin Pavlodar oblysynyń ákimi Ábilqaıyr Sqaqov qala aktıvine shahardyń jańa ákiminiń tanystyrdy, - dep habarlaıdy Egemen.kz.
Erjan Imanıslam 1972 jyly Pavlodar oblysynda dúnıege kelgen. 1991 jyly Krasnoarmeıka aýyl sharýashylyǵy tehnıkýmyn (tehnık-mehanık), 2007 jyly Qazaq quqyqtaný jáne halyqaralyq qatynastar ınstıtýtyn (quqyqtaný bakalavry), 2014 jyly Innovasııalyq Eýrazııa ýnıversıtetin (ekonomıka jáne bıznes bakalavry) jáne 2017 jyly Abaı Myrzahmetov atyndaǵy Kókshetaý ýnıversıtetin (tasymaldaýdy uıymdastyrý, qozǵalys jáne kólikti paıdalaný salasyndaǵy bakalavr; zań ǵylymdarynyń magıstri) bitirgen.
Eńbek jolyn 1987 jyly Qashyr aýdany, Kalınovka aýylyndaǵy qurylys ýchaskesinde jumysshy bolyp bastaǵan. Tehnıkýmnan keıin Erjan Imanslám Qashyr kentindegi qurylys materıaldary men konstrýksııalar kombınatynda usta-santehnık bolyp jumys istedi. Shekara áskerlerindegi qyzmetten keıin Pavlodardaǵy "Energojılstroı-1" qurylys basqarmasynyń montajshysy boldy.
1994-2000 jyldar aralyǵynda Erjan Imanslám Qashyr aýdanynyń ishki ister bólimi men prokýratýrasynda túrli laýazymdarda qyzmet atqardy. 2005-2008 jyldary Qashyr aýdanynyń ákimdiginde jumys istedi, onyń ishinde ákim apparatyna basshylyq etti. 2008 jyldan 2011 jylǵa deıin Aqsý qalasynyń ákimdiginde jumys istedi, qala ákiminiń orynbasary boldy.
2011-2013 jyldar aralyǵynda Pavlodar ákimi apparatynyń basshysy, 2013-2014 jyldar aralyǵynda Pavlodar qalasy ákiminiń orynbasary qyzmetterin atqardy.
2017 jylǵa deıin Soltústik Qazaqstan oblysynda ındýstrıaldy-ınnovasııalyq damý basqarmasynda qyzmet atqardy, sondaı-aq Taıynsha aýdanynyń ákimi boldy.
2020 jylǵy 27 shildede Pavlodar ákimi bolyp taǵaıyndalǵanǵa deıin QR Indýstrııa jáne ınfraqurylymdyq damý mınıstrliginde qyzmet atqardy, onyń ishinde IIDM komıtetiniń mashına jasaý basqarmasyn basqardy.