Nur-Sultan qalasynyń ákimdigi elordalyq №2 kópsalaly aýrýhanasynyń dırektory Ivan Ivanovıch Lıdiń mezgilsiz qaıtys bolýyna baılanysty onyń týǵan-týystary men jaqyndaryna qaıǵylaryna ortaqtasa otyryp, kóńil aıtady.
Ivan Ivanovıch talantty basshy, tamasha uıymdastyrýshy ári naýqastary men áriptesterine baýyrmal, janashyr boldy. Ol COVID-19-ben kúreste alǵashqy kúnnen bastap aldyńǵy shepte turdy.
Ol medısınalyq qaýymdastyq ortasynda aıryqsha abyroı-bedelge ıe boldy. Qyzmetkerleri de joǵary kásibıligi men qaıyrymdylyǵy úshin, aınalasyna únemi tek sózben ǵana emes isimen de qol ushyn sozǵany úshin ony joǵary baǵalady. О́miriniń sońǵy kúnine deıin ol óziniń mamandyǵyna adal boldy.
Ivan Ivanovıch óziniń medısınadaǵy eńbek jolyn 1978 jyly aýrýhanada sanıtar bolyp bastady. Bul kezde ol Qaraǵandy memlekettik medısınalyq ınstıtýtyna oqýǵa túsken bolatyn. Sodan keıin 3 kýrsta oqyp júrgeninde hırýrgııalyq bólimde meıirger boldy. Oqýdy támamdaǵan soń Qaraǵandy oblysy Molodejnyı kentiniń aýdandyq ortalyq aýrýhanasynda hırýrg dáriger bolyp qyzmet atqardy.
Ivan Ivanovıch óziniń ómirindegi mańyzdy kezeńderiniń biri dep professor A.Iý.Svıdler basqaratyn Almaty ınstıtýty ýrologııa kafedrasynyń klınıkasyndaǵy bilikti dárigerler ortasyna túsken kezin esepteıtin edi.
О́ziniń kásibı qyzmeti barysynda Ivan Ivanovıch túrli alǵys hattarmen jáne qurmet gramotalarymen marapattaldy. 2018 jyly elordanyń medısınalyq uıymdary arasyndaǵy densaýlyq saqtaý salasyndaǵy bilikti menedjer retinde «Altyn shıpager» medısınalyq syıaqyǵa ıe boldy. Sonymen qatar ol kásibı qyzmet barysyndaǵy atqarǵan eńbegi úshin «Qurmet» (2013 j.) ordenimen, «Densaýlyq saqtaý isine qosqan úlesi úshin» tós belgisimen, «Qazaqstan Respýblıkasynyń táýelsizdigine – 20 jyl» medalimen, sondaı-aq Qazaqstan Prezıdentiniń Jarlyǵymen 2020 jyldyń 20 maýsymynda azamattardyń densaýlyǵyn qorǵaý boıynsha jankeshtilikpen jumys istep, zor eńbek sińirgeni úshin «Parasat» ordenimen marapattaldy.
Ivan Ivanovıchtiń basshylyq etýimen 2018 jyldyń qyrkúıek-qarasha aılarynda eki stasıonardyń, ıaǵnı №2 qalalyq aýrýhana men №1 perınataldyq ortalyqtyń birigý prosedýrasy júrgizildi. Bul birigý joly birqatar ońdy nátıje berdi.
Onyń moınyna dárigerlik jáne uıymdastyrýshylyq qyzmetiniń úlken júgi artylyp, adal eńbeginiń arqasynda júzdegen adamnyń ómiri qutqarylyp, myńdaǵan naýqastyń shynaıy alǵysyna ıe boldy.
Onyń jarqyn beınesi árdaıym jadymyzda saqtalady.
Nur-Sultan qalasynyń ákimdigi