Qanatqaqty joba halyq qamyn kózdeıdi

Halyq qamyn kózdegen saýa­by mol iske «Haluq Sauda» degen ataý berilgen. Onyń bas­ty úı­lestirýshisi «Aqtóbe» áleý­met­­tik-kásipkerlik korporasııa­sy» AQ bolyp otyr. Qazir oblys or­ta­lyǵynda joba aıasynda al­ǵash­­­qy dúken-qoımalar ashylǵan. Munda azyq-túlik taýarlarynyń san ­alýan túrleri, sonyń ishinde áleý­mettik mańyzǵa ıe 19 túrli azyq-túlik taýary satylady. Jobany iske asyrý kezinde halyq­qa negizinen jergilikti ónimderdi jetkizýge ba­symdyq berilgen. Onyń bári tur­ǵyndarǵa shekteýsiz usy­­­nylady.

«Aqtóbe» ÁKK qanatqaqty jobany óziniń enshiles uıymdarymen qoıan-qoltyq birlese júrgizýde. Bul istiń basy-qasynda júrgender bú­gingi tańda dúken-qoıma úlgisinde ashylǵan oryndardy aldaǵy ýaqyt­ta «Haluq Sauda» birtutas dúkender jelisine ulastyrýdy uıǵarǵan. Onyń merzimi aldaǵy qyrkúıek aıynyń basyna belgilengen. Al­dyn ala jasalǵan esepterge qara­ǵanda, bir dúken orta eseppen ár shaǵyn aýdannyń 30-40 myń tur­ǵynyna qyzmet kórsetpek. О́ńirlik turaqtandyrý qorynyń ónimderin atalǵan saýda oryndary arqyly ótkizý kózdelgen.

Taǵy bir utymdy tusy, tur­ǵyn­dar baǵasy arzan azyq-tú­lik ónimderin úlken qalany ara­lap, izdep júrmeı, óz úıine taıaý ornalasqan «Haluq Sauda» jelisi­nen satyp ala alady. Oǵan qarasty saýda núkteleriniń úzdiksiz jumys isteýine azyq-túlik óndirýshiler de múddeli bolmaq. О́ıtkeni olar óz ónimderin osy jeli arqyly ót­kizbek. Túıip aıtqanda, atal­ǵan joba jergilikti taýar óndirý­shilerdiń turalap qalǵan aktıvterin jandandyrýǵa jol ashyp otyr.

Qanatqaqty jobanyń aýqymy meılinshe keń. Sonyń biri – onlaın saýda jasaýǵa arnalǵan ın­no­vasııalyq negizdegi mobıldi qosymsha. Onyń basty ózgesheligi – azyq-túlikti jedel jetkizip be­retini. Úıden shyqpaı-aq taýar­larǵa tapsyrys berip, tólem ja­saýǵa bolady. Sóıtip mobıldik qo­symshany paıdalaný arqyly Aq­tóbede elektrondy saýda ala­ńy men qyzmetin jasaqtaýdyń al­ǵy­sharty qalanǵan. Ásirese, bul qyz­met qazirgi indet kezinde taptyr­maıtyn tásil ekeni de talassyz.

Elimizdiń qaı óńirinde de áleý­mettik mańyzy bar azyq-tú­lik baǵasynyń qymbattaýyna tur­ǵyndar narazylyq tanytady. Sondyqtan da bul máseleni jer­gi­likti ókiletti organdar udaıy na­zar­da ustaýy qajet. Soǵan sáıkes búginde oblysta baǵasy naryqtan tómen azyq-túlik qory jasaqtalyp jatyr. Qordaǵy baǵa naryqtaǵy baǵanyń ósýine táýelsiz, ózgerissiz kúıinde qala beredi.

Bıyl oblysta turaqtandyrý qo­ryn jasaqtaýǵa oblys bıýdjetinen 540 mln teńge bólingen. Ol buǵan deıingi mólsherden ájeptáýir ar­tyq. Turǵyndardy qajetti ári jet­kilikti azyq-túlik ónimderimen qam­tamasyz etý úshin óńirde bir­qatar iri agroqurylymmen fıý­chers­tik kelisimshart jasalǵan. Bul týraly «Aqtóbe» áleýmettik-ká­sip­kerlik korporasııasy» AQ Bas­qarmasynyń tóraǵasy Ermek Imantaev aıtyp berdi.

Qysqasy, Aqtóbe aımaǵynda qolǵa alynǵan «Haluq Sauda» qa­nat­qaqty jobasy halyq qamyn kózdeýden týǵan qadam deýge tolyq negiz bar. Eń bastysy, atalmysh joba áleýmettik mańyzy joǵary azyq-túlik baǵasynyń turaqty bolýyna qajetti bir tutqaǵa aınala alatyny anyq.

AQTО́BE