Shymkent qalasyndaǵy COVID-19 boıynsha jaǵdaı týraly qala ákimi Murat Áıtenov baıandady, - dep habarlady Egemen.kz
"Infeksııalyq jáne provızorlyq stasıonarlarda der kezinde qosymsha 3 050 tósek orny uıymdastyrylyp, oryn sany 3 860 - qa jetkizildi. Onyń ishinde 650 ınfeksııalyq, 3 210 provızorlyq tósek oryn. Onyń ishinde reanımasııalyq tósek ornynyń sany 30 orynnan 151 orynǵa deıin ulǵaıtyldy. Qosymsha 58 IVL, 250 "Bobrov" tynys alý apparattary jáne 26 reanımasııalyq monıtorlar alyndy", dedi Murat Áıtenov.Qazirgi tańda, reanımasııalyq orynnyń 88,7 paıyzy 138 IVL apparattarymen qamtylǵan."Kıslorodpen qamtylǵan oryn sany 861-ge nemese jalpy orynnyń 22,3 paıyzyna jetkizildi. 2 aýrýhanada kıslorod stansııasyn iske qosyldy. 197 mobıldi brıgada qurylyp, 15 693 naýqasqa úıge arnalǵan stasıonarlyq qyzmet kórsetildi. Sonymen birge, 45 074 azamatqa mobıldi brıgada qyzmetteri arqyly úılerine dári-dármek jetkizildi. Atqarylǵan jumystar qalada epıdemıologııalyq jaǵdaıdyń jaqsarýyna óz áserin tıgizdi", dedi qala ákimi.
Onyń aıtýynsha, Shymkentte jedel járdem kómegin shaqyrtýlar sany kúnine 2 320-dan 1321 deıin, ıaǵnı 43 paıyzǵa azaıdy. Stasıonarlarda em alýshylardyń sany 2 882 adamnan 1240 adamǵa deıin, ıaǵnı 56,9% tómendedi. Sasıonarlardaǵy tósek orynnyń júktemesi 33% deıin kemidi.