Halyqaralyq velosıpedshiler odaǵy (UCI) 2021 jylǵy Týr-de-Frans kópkúndiginiń ótkizilý merzimin ózgertetinin málimdedi.
Jarys Tokıo Olımpıadasymen tuspa-tus kelmeýi úshin uıymdastyrýshylar osyndaı sheshim qabyldaǵan. Alǵashynda 2-25 shilde aralyǵyna josparlanǵan "Týr de Frans" básekesi endi 26 maýsym men 18 shilde aralyǵynda ótedi.
Al Tokıo Olımpıadasyndaǵy velosportshylar dodasy 24, 25 jáne 28 shildede uıymdastyrylady. Kelesi jyly "Výelta" básekesi bir apta buryn bastalatyny da habarlandy.
Aıta ketelik, koronavırýs indetiniń beleń alýyna baılanysty Halyqaralyq Olımpıada komıteti men Tokıo oıyndaryn uıymdastyrýshylar jazǵy Olımpıada oıyndaryn 2021 jylǵa aýystyrdy.